తెర వెనుక ఉండి నడిపించింది మెగాస్టారే: రాజమౌళి
cinema | Suryaa Desk | Published : Sun, Mar 20, 2022, 10:17 AM
కర్నాటకలోని జరిగిన ఆర్ఆర్ఆర్ ప్రీ రిలీజ్ వేడుకలో రాజమౌళి భావోద్వేగ ప్రసంగం చేశారు. వేదికపై కన్నడ స్టార్ శివరాజ్ కుమార్, సీఎం బసవరాజ్ బొమ్మై వంటి ప్రముఖుల సమక్షంలో చిరుపై ప్రశంసలు కురిపించారు. టికెట్ రేట్ల విషయంలో గందరగోళం ఏర్పడినప్పుడు చిత్ర పరిశ్రమలో ఆందోళన నెలకొందన్నారు. ఆ సమయంలో ఏపీ సీఎం జగన్తో ఉన్న సాన్నిహిత్యాన్ని ఉపయోగించుకుని ఆయనను చిరంజీవి కలిశారన్నారు. టికెట్ ధరల విషయంలోనూ, సినీ ఇండస్ట్రీ ఎదుర్కొంటున్న సమస్యలపై సీఎంకు ఆయన కూలంకషంగా వివరించారన్నారు. పలుమార్లు ముఖ్యమంత్రినికి కలిసి ఇండస్ట్రీ బాగుకోసం కృషి చేశారన్నారు. ఈ తరుణంలో చాలా మంది ఆయనను విమర్శించారన్నారు. అయినప్పటికీ సినీ పరిశ్రమ కోసం ఆయన తగ్గి, అందరినీ నెగ్గించారన్నారు. తెలంగాణలో అదనపు షోలు, టిక్కెట్ల పెంపుదల విషయంలోనూ తెర వెనుక ఉండి చిరంజీవి చాలా సాయం చేశారన్నారు. తెలుగు సినీ పరిశ్రమకు పెద్ద దిక్కు మెగాస్టారేనని స్పష్టం చేశారు. సినీ పరిశ్రమకు చేయూతనిస్తున్న రెండు తెలుగు రాష్ట్రాల ముఖ్యమంత్రులు సీఎం కేసీఆర్, సీఎం జగన్లకు ప్రత్యేక కృతజ్ఞతలు తెలిపారు.
|
|