వచ్చే సంవత్సరంలోనే పుష్ప -2?

ఐకాన్ స్టార్ అల్లు అర్జున్, రష్మిక మండన్న హీరో హీరోయిన్లుగా సుకుమార్ దర్శకత్వంలో వచ్చిన చిత్రం పుష్ప. పాన్ ఇండియా సినిమాగా గతేడాది విడుదలైన ఈ సినిమా అన్ని భాషల్లోనూ భారీ విజయాన్ని సొంతం చేసుకుంది. నార్త్ ప్రేక్షకులైకైతే ఈ సినిమా విపరీతంగా నచ్చేసింది. ఎటువంటి పబ్లిసిటీ లేకుండానే హిందీలో ఈ సినిమా భారీ వసూళ్లను రాబట్టింది.
ఈ సినిమా ఇచ్చిన విజయోత్సాహంతో పార్ట్ 2 ని శరవేగంగా పట్టాలెక్కించాలని భావించారు చిత్రబృందం. దీనికి సంబంధించిన స్క్రిప్ట్ పనులు కూడా పూర్తి చేశారు సుకుమార్. ప్రస్తుతం వెకేషన్ ఎంజాయ్ చేస్తున్న సుకుమార్ తిరిగి రాగానే ఈ సినిమా షూటింగ్ ప్రారంభించాలని అనుకుంటున్నారట.
ప్రేక్షకులు ఎంతగానో ఎదురు చూస్తున్న ఈ సినిమా కి సంబంధించి ఒక తాజా వార్త బయటికి వచ్చింది. అదేంటంటే... ముందుగా అనుకున్న పుష్ప-2 మూవీ రిలీజ్ డేట్ ను నెక్స్ట్ ఇయర్ కు వాయిదా వేయాలని అనుకుంటున్నారట సుకుమార్,అల్లుఅర్జున్. భారీ స్థాయిలో తెరకెక్కనున్న పుష్ప -2 ప్రొమోషన్స్ కూడా భారీగా ప్లాన్ చేసి, బాగా అమలు చేసేందుకు కనీసం ఒక సంవత్సరం అవసరమని భావిస్తున్నారట. అంతేకాక పుష్ప-1 విడుదల సమయంలో కొన్ని టెక్నికల్ సమస్యలు కూడా తలెత్తాయి. సౌండ్ మిక్సింగ్ సరిగా లేకుండానే కొన్ని ప్రింట్లు ప్రదర్శింపబడ్డాయి. సినిమాలో కొన్ని చోట్ల గ్రాఫిక్స్ కూడా పేలవంగా ఉంటుంది. వీటన్నిటిని దృష్టిలో పెట్టుకుని,ఇలాంటి సమస్యలు మరో సారి తలెత్తకుండా ఉండేందుకే కొంచెం ఎక్కువ సమయాన్ని తీసుకుని వచ్చే సంవత్సరంలో పక్కాగా వచ్చేందుకు సన్నాహాలు చేస్తున్నారట చిత్రబృందం.