ఆ స్టార్ హీరోలతో సినిమా చేయాలనుంది - రాజమౌళి
cinema | Suryaa Desk | Published : Wed, Mar 23, 2022, 02:56 PM
బాహుబలి తర్వాత దర్శకధీరుడు రాజమౌళి నుండి రాబోతున్న మరో సినిమా ఆర్ ఆర్ ఆర్. జూనియర్ ఎన్టీఆర్, రామ్ చరణ్ లతో మల్టీ స్టారర్ పాన్ ఇండియా సినిమాగా తెరకెక్కుతున్న ఆర్ ఆర్ ఆర్ లో బాలీవుడ్ నటులు ఆలియా భట్, అజయ్ దేవగణ్ కీలక పాత్రలు పోషిస్తున్నారు. ప్రపంచవ్యాప్తంగా ఈ నెల 25న ఈ సినిమా విడుదలకానుంది. ఈ నేపథ్యంలో గత వారం రోజుల నుండి ఆర్ ఆర్ ఆర్ చిత్రబృందం వరస ప్రొమోషన్స్ ఈవెంట్లలో పాల్గొంటుంది.
ఆర్ ఆర్ ఆర్ ప్రొమోషన్స్ లో భాగంగా అడిగిన వారికి అడిగినట్టుగా ఇంటర్వ్యూలు ఇస్తున్నారు జక్కన్న. ఈ క్రమంలో తన మనసులో మాటను మీడియా సుముఖంగా బయట పెట్టాడు రాజమౌళి. తమిళ స్టార్ హీరోలు, ప్రపంచ ప్రఖ్యాతి గాంచిన నటులైన రజినీకాంత్, కమల్ హాసన్ లతో సినిమా చేయాలనుందని రాజమౌళి తెలిపారు. దీనికి సంబంధించి కథను కూడా తయారు చేయాలని ఆయన పేర్కొన్నారు.
అయితే ఆర్ ఆర్ ఆర్ తరవాత మహేష్ బాబుతో సినిమా కమిట్ అయిన జక్కన్న ఆ తరవాత ఈ ప్రాజెక్టు చేపడతాడేమో అని అనుకుంటున్నారు.
|
|