ద్వారకా తిరుమల శ్రీవారి సేవలో టాలీవుడ్ స్టార్ డైరెక్టర్
cinema | Suryaa Desk | Published : Wed, Mar 23, 2022, 03:09 PM
ఈ రోజుల్లో, బస్టాప్ లాంటి యూత్ ఫుల్ ఎంటెర్టైనర్లతో ప్రేక్షకులను అలరించిన దర్శకుడు మారుతీ. గతేడాది మంచిరోజులొచ్చాయి సినిమాతో మంచి విజయాన్నందుకున్నాడు. తాజాగా ఆయన డైరెక్షన్ లో పక్క కమర్షియల్ అనే సినిమా రానుంది. ఈ సినిమాలో గోపీచంద్ హీరోగా నటిస్తున్నారు. ఆ తరవాత పాన్ ఇండియా స్టార్ ప్రభాస్ ను డైరెక్ట్ చేసే లక్కీ ఛాన్స్ ను మారుతీ కొట్టేశాడని ఇండస్ట్రీవర్గాల సమాచారం. ఈ విషయమై అధికారిక ప్రకటన వెలువడాల్సి ఉంది.
వరస సినిమాలతో బిజీగా ఉన్నప్పటికినీ మారుతీ దేవుడి మొక్కులు తీర్చుకోవటానికి తన సమయాన్ని కేటాయించారు. ఈ క్రమంలో మంగళవారం మారుతీ సతీ సమేతంగా ద్వారకా తిరుమల చినవెంకన్న ఆలయాన్ని దర్శించుకుని 108 ప్రదక్షిణాలు చేసి తమ మొక్కును తీర్చుకున్నారు. సతీసమేతంగా స్వామివారిని దర్శించుకుని ప్రత్యేక పూజలు చేసారు. పండితులు ఆయనకు వేద ఆశీర్వచనాన్ని పలికారు. శ్రీవారి జ్ఞాపిక, ప్రసాదాలను మారుతికి అందజేశారు.
|
|