రాశీఖన్నా సంచలన వ్యాఖ్యలు!
cinema | Suryaa Desk | Published : Thu, Mar 24, 2022, 12:40 PM
నటి రాశీఖన్నా సంచలన వ్యాఖ్యలు చేసింది. దక్షిణాదివారు గ్యాస్ ట్యాంకర్ అంటూ హేళన చేశారని అన్నారు . తాజాగా ఆమె ఓ ఇంటర్వ్యూ ఇచ్చింది. కెరీర్ ప్రారంభంలో ఫిజిక్ పరంగా ఎన్నో విమర్శలు ఎదుర్కొన్నానని చెప్పింది. చూడ్డానికి లావుగా ఉండడంతో సౌత్ లో చాలామంది గ్యాస్ ట్యాంకర్ అని పిలిచేవారని, అందుకే సన్నబడాలని నిర్ణయించుకున్నానని చెప్పింది. ప్రస్తుతం తాను ఫిట్గా ఉన్నానని, కెరీర్లో ఫ్లెక్సిబుల్గా ఉండాల్సిన అవసరాన్ని అర్థం చేసుకున్నానని చెప్పింది. ఈ విమర్శలకు తాను బాధపడలేదని రాశీఖన్నా అన్నారు.
2013లో విడుదలైన ‘మద్రాస్ కేఫ్’తో హీరోయిన్గా వెండితెరకు పరిచయమైన రాశీఖన్నా.. ఆ తర్వాత ‘ఊహలు గుసగుసలాడే’ చిత్రంతో దక్షిణాది ప్రేక్షకులకు పరిచయమైంది. ఆ సినిమా హిట్ కావడంతో ఆమెకు వరుస అవకాశాలు వచ్చాయి. 'జిల్', 'జోరు', 'సుప్రీమ్', 'బెంగాల్ టైగర్', 'హైపర్', 'తొలిప్రేమ', 'వరల్డ్ ఫేమస్ లవర్' వంటి చిత్రాల్లో రాశీఖన్నా నటించింది.
|
|