రామ్ చరణ్ పుట్టిన రోజు సందర్భంగా...అభిమానులతో ఓ అరుదైన చిత్రాన్ని పంచుకున్న మెగాస్టార్
cinema | Suryaa Desk | Published : Sun, Mar 27, 2022, 08:42 PM
రామ్ చరణ్ ఇవాళ 38వ ఏటా అడుగుపెట్టాడు. ఈ పుట్టినరోజు చరణ్ కు చాలా స్పెషల్ అనే చెప్పాలి. గత శుక్రవారం విడుదలైన ‘ఆర్ఆర్ఆర్’ సినిమా బాక్సాఫీస్ వద్ద అఖండ విజయాన్ని సొంతం చేసుకుంది. దీంతో ఆయన అందరికీ కృతజ్ఞతలు తెలిపారు. ‘‘రాజమౌళిగారి ‘ఆర్ఆర్ఆర్’ సినిమా పట్ల మీరు చూపిస్తున్న ప్రేమ, ఆదరణకు హృదయపూర్వక ధన్యవాదాలు. వెలకట్టలేని ఈ పుట్టినరోజు కానుకును ఎంతో బాధ్యతతో స్వీకరిస్తా’’ అని ఆయన ట్వీట్ చేశారు. ఇదిలావుంటే చిరంజీవి కూడా చరణ్ కు పుట్టిన రోజు శుభాకాంక్షలు తెలిపారు. అభిమానులతో ఓ అరుదైన చిత్రాన్ని పంచుకున్నారు. ‘‘సోషల్ మీడియా ద్వారా చరణ్ కు పుట్టినరోజు శుభాకాంక్షలు తెలపడం నాకు వింతగా అనిపిస్తోంది. కొడుకుగా నన్ను చరణ్ గర్వపడేలా చేశాడు. అతడే నా గౌరవం. హ్యాపీ బర్త్ డే చరణ్’’ అని చిరంజీవి ట్వీట్ చేశారు. చరణ్ పుట్టినరోజు సందర్భంగా ఒక అరుదైన చిత్రాన్ని పంచుకుంటే అభిమానులు సంతోషిస్తారనిపించిందని పేర్కొన్న ఆయన.. చరణ్ చిన్నప్పుడు ఓ సినిమా షూటింగ్ సందర్భంగా బుగ్గమీద వేలితో తడుతూ ప్రేమ చూపిస్తున్న ఫొటోను ట్వీట్ చేశారు. ఆచార్య సినిమా షూటింగ్ సందర్భగా కూడా చరణ్ బుగ్గపై వేలితో నిమిరే ఫొటోనూ దానికి ఆయన జత చేశారు. కొరటాల శివ దర్శకత్వంలో చిరు, చరణ్ లు కలిసి నటిస్తున్న సంగతి తెలిసిందే.
|
|