ఎట్టకేలకు మౌనం వీడిన ఆలియా... లాంగ్ ఇంస్టా నోట్ తో రూమర్లకు చెక్...
cinema | Suryaa Desk | Published : Thu, Mar 31, 2022, 08:54 PM
ఎస్.ఎస్ రాజమౌళి దర్శకత్వంలో జూనియర్ ఎన్టీఆర్ , రామ్ చరణ్ తేజ్ లు కలిసి నటించిన పాన్ ఇండియా మల్టీస్టారర్ చిత్రం 'ఆర్ ఆర్ ఆర్'. మార్చి 25న విడుదలైన ఈ సినిమా ధియేటర్ల వద్ద భారీ కలెక్షన్లను రాబడుతోంది. ప్రేక్షకులతో పాటు పలువురు సినీ ప్రముఖులు కూడా ఈ సినిమాపై ప్రశంసల వర్షం కురిపించగా, ఈ సినిమాలో సీత పాత్ర పోషించిన ఆలియా నుండి ఎటువంటి థాంక్యూ నోట్ కానీ, ట్వీట్ కానీ లేకపోవటంతో చిత్రసీమలో రకరకాల రూమర్లు చక్కర్లు కొడుతున్నాయి .
ఆర్ ఆర్ ఆర్ చిత్రంలో సీత పాత్రతో ఆలియా అసంతృప్తిగా ఉందనీ, ముఖ్యంగా సినిమాలో తన పాత్ర నిడివి చాలా తక్కువగా ఉన్నందుకు ఆలియా ఫీల్ అయిందనీ అందుకే ఆర్ ఆర్ ఆర్ ప్రమోషన్స్ లో ఆమె పెద్దగా పాల్గొనలేదని, విడుదల తర్వాత కూడా ఆమె నుండి ఎటువంటి స్పందన లేదని ఇంకా ఇంస్టాలో 'ఆర్ ఆర్ ఆర్' కు సంబంధించిన పోస్టులను డిలీట్ చేయటంతో పాటూ రాజమౌళిని అన్ ఫాలో కూడా చేసిందని ... ఇలా పలు రకాల రూమర్లు నెట్టింట హల్చల్ చేస్తున్నాయి.
ఈ రూమర్లు ఆలియా వరకు వెళ్లినట్టున్నాయి అందుకే వీటన్నిటికీ ఒకే ఒక్క పోస్టుతో చెక్ పెట్టింది ఆలియా. ఇంస్టా ను క్లీన్ చేస్తూ కొన్ని పాత వీడియోలు, ఫోటోలను డిలీట్ చేశాను అంతే. అంతమాత్రాన మీకు ఇష్టమొచ్చినట్టు ఊహించుకుంటే ఎలా? ఆర్ ఆర్ ఆర్ సినిమాలో భాగమైనందుకు ఎప్పటికీ కృతజ్ఞతతో ఉంటాను. రాజమౌళి దర్శకత్వం, తారక్, చరణ్ ల నటన అంటే నాకెంతో ఇష్టం. విజయవంతంగా దూసుకెళ్తున్న ఈ సినిమాకు నా వల్ల చెడ్డపేరు రాకూడదనే ఈ పోస్ట్ పెడుతున్నాను. ఈ సినిమాను రూపొందించేందుకు రాజమౌళి సర్ సంవత్సరాలుగా పడ్డ కష్టం, చిత్రబృందం శ్రమ ఈ సినిమాను ఇంతటి స్థాయిలో నిలబెట్టాయి. ... అంటూ ఒక సుదీర్ఘ కధనాన్ని తన ఇంస్టాగ్రామ్ స్టోరీ లో షేర్ చేసుకుంది ఆలియా.
|
|