'మిషన్ ఇంపాజిబుల్‌' సినిమా రివ్యూ

చిత్రం : 'మిషన్ ఇంపాజిబుల్'
నటీనటులు: మాస్టర్ హర్ష్ రోషన్-మాస్టర్ భాను ప్రక్షన్-మాస్టర్ జయతీర్థ మొలుగు-తాప్సి పన్ను-రవీంద్ర విజయ్-హరీష్ పేరాది-హర్షవర్ధన్-రిషబ్ శెట్టి-సుహాస్-సందీప్ రాజ్ తదితరులు
సంగీతం: మార్క్ కె.రాబిన్
ఛాయాగ్రహణం: దీపక్ ఎరగార
మాటలు: స్వరూప ఆర్.ఎస్.జె-మనోరంజితం దివ్య
నిర్మాతలు: నిరంజన్ రెడ్డి-అన్వేష్ రెడ్డి
కథ-స్క్రీన్ ప్లే-దర్శకత్వం: స్వరూప్ ఆర్.ఎస్.జె

ఏజెంట్ సాయిశ్రీనివాస ఆత్రేయ' సినిమాతో మంచి హైట్ అందుకున్న దర్శకుడు స్వరూప్ ఆర్‌ఎస్‌జే 'మిషన్ ఇంపాజిబుల్‌' సినిమాను తెరకెక్కించాడు. ఈ సినిమాలో తాప్సీ పన్ను, రవీందర్ విజయ్‌, రోషన్‌, భాను ప్రకాష్‌, జైతీర్థ, రిషబ్ శెట్టి, హరీష్ పరేడి తదితరులు నటించారు. శుక్రవారం ఈ సినిమా థియేటర్ లలో విడుదలైంది. సినిమా ఎలా ఉందో చూద్దాం.
కథలోకి వెళ్తే తిరుపతి దగ్గర్లోని వడమాల పేటలో ఉన్న రఘుపతి (హర్ష రోషన్‌), రాఘవ (భాను ప్రకాష్‌), రాజారామ్ (జైతీర్థ) అనే ముగ్గురు పిల్లల కథ ఇది. మోస్ట్ వాంటెడ్ క్రిమినల్ దావూద్ ఇబ్రహీంను పట్టుకొని పోలీసులకు అప్పజెప్పడం, అతనిపైనున్న రూ.50 లక్షల రివార్డ్‌ను తెచ్చుకోవడం వీరి లక్ష్యం. దీనికోసమే ముగ్గురు ఇంట్లో వాళ్లకు చెప్పకుండా ముంబై బయలుదేరుతారు. కానీ, దారితప్పి బెంగళూరులో దిగుతారు. మరి ఆ తర్వాత ఏమైంది? దావూద్‌ను పట్టుకోవాలన్న లక్ష్యంతో వచ్చిన ఆ ముగ్గురు పిల్లలతో ఇన్వెస్టిగేటివ్ జర్నలిస్ట్ శైలజ (తాప్సీ పన్ను) చేయించిన సాహసాలేంటి? చిన్నపిల్లల అక్రమరవాణా కేసుకు, వీళ్లకు ఉన్న లింకేంటి? అన్నది మిగతా కథ.
ఈ సినిమాకు కథా నేపథ్యం, తాప్సీ, ముగ్గురు పిల్లల నటన, వినోదం ప్లస్ పాయింట్స్ గా చెప్పుకోవచ్చు. ఊహకు తగ్గట్లుగా సాగే కథనం, సెకండ్ హాఫ్ మైనస్ గా చెప్పుకోవచ్చు.
తాప్సీ పాత్రను మరింత బలంగా తీర్చిదిద్దుకొని ఉంటే బాగుండేది. రఘుపతి, రాఘవ, రాజారాం పాత్రలు సినిమాకి బలంగా నిలిచాయి. ఆయా పాత్రల్లో ముగ్గురు పిల్లల నటన ప్రతిఒక్కరినీ ఆకట్టుకుంటుంది. మార్క్ కె.రాబిన్ నేపథ్య సంగీతం బాగుంది. దీపక్ కెమెరా పనితనం ఆకట్టుకుంటుంది. కథకు తగ్గట్లుగా నిర్మాణ విలువలు బాగున్నాయి.

రేటింగ్-2.25/5