బేబి బంప్తో సోనమ్ కపూర్
cinema | Suryaa Desk | Published : Mon, Apr 04, 2022, 03:02 PM
బాలీవుడ్ అందాల నటి సోనమ్ కపూర్ గురించి ప్రత్యేకంగా పరిచయం చేయనక్కర్లేదు. తండ్రి అనిల్ కపూర్ నట వారసత్వాన్ని ఒంట బట్టించుకొని బాగానే రాణిస్తోంది.ఈ మధ్య సోనమ్ చేసిన చెప్పుకోదగ్గ సినిమాలంటే… ‘నీరజ’, అంతేకాకుండా రాజ్ కుమార్ హిరానీ దర్శకత్వంలో వచ్చిన ‘సంజు’లో కూడా నటించింది. సోనమ్ ఓ వ్యాపారవేత్తను పెళ్లీ కూడా చేసుకున్న విషయం తెలిసిందే.బాలీవుడ్ నటుడు అనిల్ కపూర్ కుమార్తెగా ఇండస్ట్రీలోకి అడుపెట్టింది సోనమ్. సినిమాలు చేస్తున్న సమయంలోనే ప్రముఖ పారిశ్రామిక వేత్త ఆనంద్ అహుజను 2018లో పెళ్లాడింది. వివాహం అనంతరం కూడా ఆమె పలు చిత్రాల్లో నటించి మెప్పించింది. సోనమ్ కపూర్ ఖాతాలో పలు హిట్ చిత్రాలున్నాయి. బాలీవుడ్లో టాప్ హీరోల సరసన నటించి అభిమానులను అలరించింది.బాలీవుడ్ స్టార్ హీరోయిన్ సోనమ్ కపూర్ ఇటీవల గుడ్ న్యూస్ చెప్పిన విషయం తెలిసిందే. తాను త్వరలో తల్లికాబోతున్నానని తెలియజేసింది. తన భర్తతో కలిసి ఉన్న ఫోటో ఒకటి ఆమె షేర్ చేసింది. తమ నాలుగు చేతులు అడ్డుపెట్టి సాధ్యమైనంత వరకు నిన్ను అన్ని విధాలుగా ఉత్తమంగా పెంచేందుకు శ్రమిస్తామని.. నీ ప్రతి గుండె సవ్వడిలో తమ రెండు హృదయాలు ధ్వనిస్తూనే ఉంటాయని తమ బిడ్డను ఉద్దేశించి సోనమ్ తెలిపింది.ఇక తాజాగా సోనమ్ కపూర్ బేబి బంప్ చూపిస్తూ స్టైలిష్ లుక్లో మెరిసింది. సోనమ్ కపూర్ స్టన్నింగ్ పిక్స్ చూసి కుర్రకారు మైమరచిపోతున్నారు. త్వరలో పండంటి బిడ్డకు జన్మనివ్వనున్న నేపథ్యంలో సోనమ్ కపూర్ ఆ క్షణాలని ఆస్వాదిస్తుంది. వెరైటీ డ్రెస్సులలో ఫోటో షూట్స్ కూడా చేస్తూ అలరిస్తుంది.
|
|