వస్తావా, రేటెంత అంటూ వేధిస్తున్నారు.. ప్రముఖ నటి ఫిర్యాదు
cinema | Suryaa Desk | Published : Tue, Apr 05, 2022, 06:29 PM
బాలీవుడ్ బుల్లితెర నటి విభూతి ఠాకూర్ చేదు అనుభవం ఎదురైంది. వస్తావా, రేటెంత అంటూ కొంత మంది మెసేజ్స్ పెట్టి వేధిస్తున్నారు అని తెలిపింది. వివరాల్లోకి వెళ్తే.. సోషల్ మీడియా విస్తృతంగా వాడుకలోకి వచ్చాక ప్రపంచంలో ఏ మూల ఆసక్తికర సంఘటన జరిగినా అందరికీ తెలుస్తోంది. ఇక సెలబ్రెటీలు గురించి ఎన్నో విషయాలు అభిమానులకు తెలుస్తున్నాయి. ఇదే క్రమంలో దీనిని దుర్వినియోగం చేసే వారు కూడా ఉన్నారు. వారి కారణంగా ప్రముఖులు ఇబ్బందులు పడి, చివరికి పోలీసులను ఆశ్రయిస్తున్నారు. తాజాగా ఇదే అనుభవం బాలీవుడ్ బుల్లితెర నటి విభూతి ఠాకూర్కు ఎదురైంది.
ఆమె పర్సనల్ నంబర్ను గుర్తు తెలియని వారు సోషల్ మీడియాలో పెట్టేశారు. అప్పటి నుంచి ఆమె ఫోన్కు మెసేజ్లు వెల్లువలా వస్తున్నాయి. మొదట్లో అదేదో ప్రాంక్ అని ఆమె అనుకుంది. రానురానూ అసభ్యకర రీతిలో మెసేజ్లు రావడంతో షాక్ తింది. వస్తావా, రేటెంత అంటూ ఫోన్లు చేసి, మెసేజ్లు పెట్టి లైంగిక వేధింపులకు పాల్పడుతున్నారు. విధి లేని పరిస్థితిలో ఆమె పోలీసులకు మంగళవారం ఫిర్యాదు చేసింది. ఒక ఆడపిల్లను ఇలా వేధించడం న్యాయమా అంటూ వాపోయింది. ఆధారాలను పోలీసులకు సమర్పించినట్లు వెల్లడించింది.
|
|