కువైట్లో నిషేధించబడిన విజయ్ 'బీస్ట్'
cinema | Suryaa Desk | Published : Tue, Apr 05, 2022, 08:13 PM
నెల్సన్ దిలీప్కుమార్ దర్శకత్వంలో కోలీవుడ్ స్టార్ హీరో విజయ్ నటిస్తున 'బీస్ట్' సినిమా షూటింగ్ పూర్తి చేసుకున్నారు. యాక్షన్ కామెడీ ఎంటర్టైనర్ ట్రాక్ లో రానున్న ఈ సినిమాలో విజయ్ సరసన సిజ్లింగ్ బ్యూటీ పూజాహెగ్డే జంటగా నటిస్తుంది. ఈ చిత్రం ఏప్రిల్ 13, 2022న థియేటర్లలో విడుదల చేయడానికి సిద్ధంగా ఉంది. ఇప్పుడు తాజా సమాచారం ప్రకారం, కువైట్లో ఈ సినిమాపై నిషేధం విధించారు. విజయ్ పాకిస్థాన్ మంత్రిని అపహరించే సీన్ ఉండటమే అందుకు కారణం అని వార్తలు వినిపిస్తున్నాయి. ఈ సినిమాలో ఎక్కువుగా హింస, ఉగ్రవాదానికి సంబంధించిన సన్నివేశాలు ఉన్నాయని కూడా అంటున్నారు. ఈ కారణంగా ఈ సినిమాను కువైట్ ప్రభుత్వం నిషేధించింది. గతంలో కువైట్లో దుల్కర్ సల్మాన్ 'కురుప్' అండ్ విష్ణు విశాల్ 'ఎఫ్ఐఆర్' సినిమాలు కూడా నిషేధించబడ్డాయి. సన్ పిక్చర్స్ 'బీస్ట్' సినిమాని నిర్మిస్తుంది. ఈ చిత్రానికి అనిరుధ్ రవిచందర్ సంగీతం అందించారు.
|
|