చరణ్ మూవీని రిజెక్ట్ చేసిన ఆ స్టార్ హీరో ఎవరో తెలుసా...!
cinema | Suryaa Desk | Published : Fri, Apr 08, 2022, 01:21 PM
ఆర్ ఆర్ ఆర్ మూవీతో దేశవ్యాప్తంగా మంచి గుర్తింపును సంపాదించుకున్నాడు మెగా పవర్ స్టార్ రామ్ చరణ్ తేజ్. ఆర్ ఆర్ ఆర్ లో రామరాజుగా ప్రేక్షకులను అలరించిన చరణ్ తదుపరి సినిమా ఆచార్య లో సిద్ధగా నటించనున్నాడు. ఏప్రిల్ 29న ఆచార్య విడుదల కానుంది. ప్రస్తుతం చరణ్, కోలీవుడ్ స్టార్ డైరెక్టర్ శంకర్ దర్శకత్వంలో ఒక సినిమాను చేస్తున్నారు. ఇంకా టైటిల్ లాక్ చేయని ఆ మూవీలో చరణ్ సరసన కియారా అద్వానీ హీరోయిన్ గా నటిస్తుంది. పొలిటికల్ నేపథ్యంతో తెరకెక్కుతున్న ఈ చిత్రంలో ఒక పవర్ఫుల్ నెగిటివ్ క్యారెక్టర్ కోసం ఒక స్టార్ హీరోను సంప్రదించగా, ఆయన నిరాకరించారని చిత్రసీమలో వార్తలు వస్తున్నాయి.
పూర్తి రాజకీయ తరహా చిత్రంగా రానున్న శంకర్-చరణ్ మూవీలో ఒక అవినీతి రాజకీయనాయకుడిగా, ఒక రాష్ట్రానికి మంత్రిగా నటించమని మలయాళ సూపర్ స్టార్ మోహన్ లాల్ ను చిత్రబృందం సంప్రదించిందట. సినిమాలో ఆ క్యారెక్టర్ ప్రాముఖ్యతను మోహన్ లాల్ కు శంకర్ తెలిపినా కూడా ఆయన కన్విన్స్ అవలేదని టాక్. ప్రస్తుతం మోహన్ లాల్ కెరీర్లో మంచి ఫామ్ లో ఉన్నారు. హీరోగా ఆయన నటించిన సినిమాలు మలయాళంలో వరసగా విజయాలందుకుంటున్నాయి. ఈ నేపథ్యంలో ఒక నెగిటివ్ రోల్ లో నటించటం అంత మంచిది కాదని అలోచించి శంకర్ -చరణ్ మూవీ కి మోహన్ లాల్ నో చెప్పి ఉంటారని కొంతమంది అనుకుంటున్నారు.
|
|