భవదీయడు భగత్ సింగ్ న్యూ అప్డేట్... ఈసారి బాక్సు బద్దలే
cinema | Suryaa Desk | Published : Fri, Apr 08, 2022, 04:32 PM
టాలీవుడ్ క్రేజీ డైరెక్టర్ హరీష్ శంకర్ దర్శకత్వంలో పవర్ స్టార్ పవన్ కళ్యాణ్ నటించిన చిత్రం గబ్బర్ సింగ్. 2012లో విడుదలైన ఈ సినిమా బ్లాక్ బస్టర్ హిట్ గా నిలిచింది. ఇప్పుడదే కాంబోలో రానున్న కొత్త సినిమా భవదీయుడు భగత్ సింగ్.
పవన్ కళ్యాణ్ ఇటీవల రాజకీయాలతో బిజీగా మారటం వల్ల సెట్స్ పై ఉన్న హరిహారవీరమల్లు, అప్ కమింగ్ ప్రాజెక్టు భవదీయుడు భగత్ సింగ్ సినిమాలు ఆలస్యమవవుతున్నాయన్న విషయం తెలిసిందే. అయితే తనను నమ్ముకున్న నిర్మాతలకు అన్యాయం జరగకూడదన్న ఆలోచనతో పవన్ మళ్ళీ ఈ సినిమాలతో బిజీగా మారారు. ఇప్పటికే క్రిష్ జాగర్లమూడి దర్శకత్వంలో తెరకెక్కుతున్న హరిహారవీరమల్లు కొత్త షెడ్యూల్స్ ప్రారంభమవగా, హరీష్ శంకర్ దర్శకత్వంలో రూపొందుతున్న భవదీయుడు భగత్ సింగ్ కూడా త్వరలోనే స్టార్ట్ అవుతుందని ఆ మూవీ మేకర్స్ స్పష్టం చేసారు. హరిహారవీరమల్లు సెట్లో భవదీయుడు భగత్ సింగ్ దర్శకనిర్మాతలు పవన్ తో కలిసి చర్చలు జరిపారు. 'అంతా సిద్ధంగా ఉంది. త్వరలోనే ఈ మూవీ షూటింగ్ ప్రారంభమవుతుంది. ఈ సారి బాక్సాఫీస్ బద్దలే అంటూ హరీష్ చేసిన ట్వీట్ ఆసక్తిని సంతరించుకుంది.
మైత్రీ మూవీ మేకర్స్ పతాకంపై నవీన్ యార్నేని,రవిశంకర్ ఈ సినిమాని నిర్మిస్తున్నారు. పూజా హెగ్డే కథానాయికగా నటిస్తున్న ఈ చిత్రాన్ని పక్కా కమర్షియల్ ఎంటర్టైనర్ గా హరీష్ శంకర్ రూపొందిస్తున్నారు.
|
|