'సర్కారు వారి పాట' మూడవ పాటపై లేటెస్ట్ అప్డేట్
cinema | Suryaa Desk | Published : Mon, Apr 11, 2022, 01:07 PM
పరశురామ్ పేట్ల డైరెక్షన్ లో టాలీవుడ్ సూపర్ స్టార్ మహేష్ బాబు నటిస్తున్న యాక్షన్ ఎంటర్టైనర్ 'సర్కారు వారి పాట' మే 12న ప్రేక్షకుల ముందుకు వచ్చేందుకు సిద్ధమవుతున్న సంగతి తెలిసిందే. ఈ సినిమాలో మహేష్ సరసన కీర్తి సురేష్ జంటగా నటిస్తుంది. 'సర్కారు వారి పాట' లోని మూడవ పాటను అతి త్వరలో విడుదల చేస్తున్నట్లు సంగీత దర్శకుడు థమన్ ట్విట్టర్లో ఒక వీడియోని పోస్ట్ చేసారు. ఇప్పుడు తాజా సమాచారం ప్రకారం, మూవీ మేకర్స్ తదుపరి పాట ప్రోమోను ఏప్రిల్ 15, 2022న విడుదల చేయటానికి ప్లాన్ చేస్తున్నట్లు వార్తలు వినిపిస్తున్నాయి. ఈ పాటకు 'మురారి బావ' అని టైటిల్ ని ఫిక్స్ చేసారు. మేకర్స్ నుంచి ఈ విషయంపై అధికారిక ప్రకటన రావాల్సి ఉంది. ఈ సినిమా కోసం మహేష్ అభిమానులు మరియు ప్రేక్షకులు కూడా చాలా కాలంగా ఎదురుచూస్తున్నారు. GMB ఎంటర్టైన్మెంట్, మైత్రీ మూవీ మేకర్స్ మరియు 14 రీల్స్ ప్లస్ 'సర్కారు వారి పాట' సినిమాని నిర్మిస్తున్నాయి.
|
|