'ఎఫ్ 3' లో ఐటం సాంగ్ కు...పూజా హెగ్డే గ్రీన్ సిగ్నల్
cinema | Suryaa Desk | Published : Tue, Apr 12, 2022, 01:45 PM
హీరోయిన్ ఛాన్స్ లతో చాలా బీజీగా ఉన్న సమయంలోనూ 'ఎఫ్ 3' కోసం ఓ ఐటమ్ సాంగ్ ను చేసేందుకు పూజా హెగ్డే గ్రీన్ సిగ్నల్ ఇచ్చిందటా. తెలుగు .. తమిళ .. హిందీ భాషల్లో పూజ హెగ్డేకి మంచి క్రేజ్ ఉంది. ప్రభాస్ సరసన ఆమె చేసిన 'రాధేశ్యామ్' ఇటీవలే ప్రేక్షకుల ముందుకు రాగా, ఈ నెల 13వ తేదీన విజయ్ జోడీగా 'బీస్ట్'తో పలకరించనుంది. ఇక ఆ వెంటనే 29వ తేదీన 'ఆచార్య' సినిమాలో చరణ్ సరసన నీలాంబరి పాత్రలో మెరవనుంది. ఇలా వరుస సినిమాలతో దూసుకుపోతున్న పూజ హెగ్డే, గతంలో 'రంగస్థలం' సినిమా కోసం 'జిల్ జిల్ జిల్ జిగేలు రాణి' అనే ఐటమ్ సాంగుతో మాస్ ఆడియన్స్ ను ఒక ఊపు ఊపేసింది. అలాంటి ఒక స్పెషల్ సాంగ్ చేయడానికి ఆమె మళ్లీ అంగీకరించిందనే ఒక టాక్ బలంగా వినిపిస్తోంది .. అదీ అనిల్ రావిపూడి సినిమాలో.
వెంకటేశ్ .. వరుణ్ తేజ్ ప్రధాన నాయకులుగా 'ఎఫ్ 3' సినిమా రూపొందుతున్న సంగతి తెలిసిందే. దిల్ రాజు నిర్మిస్తున్న ఈ సినిమాకి దేవిశ్రీ ప్రసాద్ సంగీతాన్ని సమకూర్చాడు. ఈ సినిమాలో ఒక స్పెషల్ సాంగ్ ను పూజ హెగ్డేతో చేయిస్తే బాగుంటుందని భావించి ఆమెను ఒప్పించారని సమాచారం. ఇందుకోసం ఆమె కోటిన్నర పారితోషికం అందుకోనున్నట్టు వినికిడి. మే 27వ తేదీన ఈ సినిమా థియేటర్లకు రానుంది.
|
|