ఆలియా-రణ్ బీర్ పెళ్లిపై స్పందించిన సంజయ్ దత్
cinema | Suryaa Desk | Published : Tue, Apr 12, 2022, 08:42 PM
బాలీవుడ్ స్టార్ యాక్టర్స్,మోస్ట్ అడారబుల్ కపుల్ ఆలియా, రణ్ బీర్ల వివాహానికి సంబంధించిన వార్తలు ఎప్పడూ వస్తూనే ఉంటాయి. అలానే ఈ ప్రేమ జంట ఏప్రిల్ 14న పెళ్లితో ఒకటవబోతున్నారని ఇటీవల జోరుగా ప్రచారం సాగుతోంది. రణ్ బీర్, ఆలియా ల నివాసాలు బంధువులతో కళకళ లాడటం, కపూర్లకు చెందిన ఆర్కే స్టూడియో కూడా గ్రాండ్ గా ముస్తాబవడం, ప్రముఖ సబ్యసాచి డిజైనర్ వేర్ దుస్తులు వారి ఇళ్లకు చేరటం... ఇవన్నీ చూస్తుంటే ఈసారి నిజంగానే ఆలియా, రణ్ బీర్ల వివాహం జరగబోతుందని అర్ధమవుతుంది. కానీ ఆలియా, రణ్ బీర్లు మాత్రం ఈ విషయంపై మీడియాకి ఎలాంటి క్లారిటీ ఇవ్వలేదు.
పోతే... కేజీఎఫ్ 2 ప్రమోషన్స్ లో భాగంగా జరిగిన ఒక ఇంటర్వ్యూలో సంజయ్ దత్ ను ఆలియా రణ్ బీర్ల వివాహ విషయాన్ని గురించి ఒక విలేఖరి ప్రశ్నించారు. ముందుగా ఏమో నాకు తెలీదన్నట్టు మాట్లాడినా ఆ తర్వాత ఇలా చెప్పుకొచ్చారు. ఒక వేళ నిజంగానే ఆలియా-రణ్ బీర్ లు పెళ్లి చేసుకోబోతున్నారంటే అది నాకు చాలా సంతోషాన్ని కలిగించే విషయం. ఆలియా నా ముందే పుట్టి పెరిగింది. వివాహం అనేది ఇద్దరి మధ్య ఒక కమిట్ మెంట్. ఆలూమగలిద్దరు కూడా ఆ కమిట్ మెంట్ కు కట్టుబడి ఉండాలి. ఆలియా-రణ్ బీర్ ఇద్దరూ కూడా జీవితాంతం కలిసుండాలి, సంతోషంగా ఉండాలి." అని సంజయ్ దత్ తెలిపారు. ఈ నేపథ్యంలో తొందర్లోనే పిల్లల్ని ప్లాన్ చేసుకోవాలని రణ్ బీర్ కు సంజయ్ సూచించటం విశేషం.
|
|