మైనస్ 24 డిగ్రీల వద్ద చిత్రీకరిస్తున్న దుల్కర్ 'సీతా రామం'
cinema | Suryaa Desk | Published : Wed, Apr 13, 2022, 01:53 PM
రొమాంటిక్ ఎంటర్టైనర్ సినిమాలను తీయటంలో పేరుగాంచిన దర్శకుడు హను రాఘవపూడి ప్రస్తుతం దుల్కర్ సల్మాన్ తో సినిమాని రూపొందిస్తున్నారు. ఈ సినిమాలో దుల్కర్ సల్మాన్ సరసన మృణాళిని ఠాకూర్ లేడీ లవ్ కనిపించనుంది. ఈ మూవీలో కన్నడ బ్యూటీ రష్మిక మందన్న అఫ్రీన్ అనే కాశ్మీరీ ముస్లిం యువతి పాత్రలో కనిపించనుంది. ఈ సినిమాకి 'సీత రామం' అనే టైటిల్ ని మూవీ మేకర్స్ లాక్ చేసారు. ప్రస్తుతం ఈ సినిమా షూటింగ్ జరుగుతోంది. ఇటీవల, మేకర్స్ స్పితి వ్యాలీలో ఉన్న ప్రపంచంలోని అత్యంత ఎత్తైన పోస్టాఫీసులో చిత్రీకరించారు. ఈ పోస్టాఫీసు హిమాచల్ ప్రదేశ్లోని హిక్కిమ్ అనే గ్రామంలో ఉంది. సముద్ర మట్టం నుండి 4440 మీ (14567 అడుగులు) ఎత్తులో ఉంది. ఈ గ్రామంలో దాదాపు -25 డిగ్రీల ఉష్ణోగ్రతలో షూట్ చేస్తున్నట్లు సమాచారం. తెలుగు, మలయాళం, తమిళ భాషల్లో ఈ సినిమా విడుదల కానుంది. ఈ చిత్రానికి విశాల్ చంద్రశేఖర్ సంగీత అందిస్తున్నారు. వైజయంతీ మూవీస్ సమర్పణలో స్వప్న సినిమా పతాకంపై అశ్విని దత్ అండ్ ప్రియాంక దత్ ఈ పీరియాడికల్ రొమాంటిక్ డ్రామాను నిర్మిస్తున్నారు.
|
|