డామినేషన్ ఇష్యూ పై తొలిసారి స్పందించిన జక్కన్న...
cinema | Suryaa Desk | Published : Wed, Apr 13, 2022, 08:59 PM
మూడున్నరేళ్లుగా ప్రేక్షకులు ఎంతగానో ఎదురుచూసిన 'ఆర్ ఆర్ ఆర్' సినిమా మార్చి 25న విడుదలై అప్రతిహతంగా కొనసాగుతోంది. రికార్డుస్థాయి ఓపెనింగ్స్ ను రాబట్టి ఇప్పటివరకు వెయ్యికోట్లను కొల్లగొట్టింది. అయితే ఈ సినిమాలో చరణ్ పోషించిన రామరాజు పాత్రను, తారక్ పోషించిన భీం పాత్రను కంపేర్ చేస్తూ సోషల్ మీడియాలో ఇరు స్టార్ల అభిమానులు యుద్దానికి దిగిన విషయం తెలిసిందే. చరణ్ తారక్ ను డామినేట్ చేసాడని చాలామంది అభిప్రాయం. ఈ మేరకు తారక్ ఫ్యాన్స్ కూడా ఒకింత అసంతృప్తిగా ఉన్నారట. ఒక ఇంటర్వ్యూలో పాల్గొన్న రాజమౌళికి ఇదే ప్రశ్నని సంధిస్తే , తెలివిగా ఆన్సర్ చెప్పి భలే తప్పించుకున్నారంటూ వార్తలు వస్తున్నాయి. అసలు రాజమౌళి ఏమని సమాధానమిచ్చారంటే... ఆర్ ఆర్ ఆర్ లో డామినేషన్ అనే పదానికి ఆస్కారమే లేదు. ఎవరి పాత్రలకు వారు తగిన న్యాయం చేసారు. ఆర్ ఆర్ ఆర్ క్లైమాక్స్ లో చరణ్ కు ఎక్కువ స్క్రీన్ స్పేస్ దొరికేసరికి అందరు చరణ్ తారక్ ను డామినేట్ చేసాడని అనుకుంటున్నారు. కానీ కొమురం భీముడొ పాటను క్లైమాక్స్ లో పెడితే ఎన్టీఆర్ డామినేట్ చేసాడని చెప్పుకుంటారు. మనం ఏ దృష్టితో చూస్తే అలానే కనిపిస్తుంది. సినిమాలో తారక్ చరణ్ ను 2 సార్లు కాపాడితే, చరణ్ మాత్రం తారక్ ను ఒక్కసారే రక్షిస్తాడు. అంతేకాక 15ఏళ్లుగా ఉన్న చరణ్ లక్ష్యానికి తారక్ తగిన దారిని చూపించాడు. ఆ విషయంలో తారక్ నుండి చరణ్ స్ఫూర్తి పొందుతాడు. ఇలా చూస్తే చరణ్ మీద తారక్ డామినేట్ చేసినట్టే కదా. ... అంటూ అద్భుతమైన వివరణను ఇచ్చారు. ఏమైనా జక్కన్న ఫుల్ క్లారిటీ మైంటైన్ చేస్తున్నాడబ్బా...
|
|