నెటిజన్ ఫన్నీ క్వశ్చన్ కి 'శృతి'మించిన ఆన్సర్ !
cinema | Suryaa Desk | Published : Thu, Apr 14, 2022, 12:58 PM
కోలీవుడ్ స్టార్ హీరో, భారతదేశం గర్వించదగ్గ సినీ నటుడు కమల్ హాసన్ నటవారసురాలిగా తెరంగేట్రం చేసింది హీరోయిన్ శృతిహాసన్. కెరీర్ ఆరంభంలో తడబాటుకు గురైనప్పటికీ అనతికాలంలోనే తమిళ,తెలుగు,హిందీ భాషలలో స్టార్ హీరోయిన్ గా ఎదిగింది. ఆ మధ్య శృతి సినీ కెరీర్ కి ఎండ్ కార్డ్ పడిందని వార్తలొచ్చాయి. అయితే ఎగిసిన కెరటంలా ఉవ్వెత్తున చెలరేగిన శృతి వరస సినిమాల్లో ఛాన్సులు కొట్టేసి మళ్ళీ బిజీ ఆర్టిస్టుగా గడుపుతుంది. పాన్ ఇండియా స్టార్ ప్రభాస్,మెగాస్టార్ చిరంజీవి, నందమూరి బాలకృష్ణ వంటి పెద్ద హీరోలతో సినిమాలు చేస్తూ తన హవాను కొనసాగిస్తోంది. పోతే... సోషల్ మీడియాలో చురుగ్గా ఉండే శృతి ఈ మధ్య చిట్ ఛాట్ సెషన్ ఒకటి నిర్వహించింది. అందులో శృతిని చాలా మంది పలురకాల ప్రశ్నలడిగారు. వారందరికీ ఎంతో ఓపిగ్గా సమాధానమిచ్చిన శృతి ఒక ఔత్సాహిక అభిమాని అడిగిన 'మీ లిప్ సైజ్ ఎంత' అనే ప్రశ్నకు ఒక్కసారిగా షాక్ కు గురైంది. ఆ వెంటనే తేరుకున్న శృతి ఆ నెటిజన్ కి దిమ్మతిరిగిపోయే ఆన్సర్ ఇచ్చి అతనికి మైండ్ బ్లాక్ అయ్యేలా చేసింది. లిప్ కు సైజ్ కూడా ఉంటుందా? అయితే నువ్వే కొలుచుకో అంటూ పెదాలను బార్లా చాచి ఉన్న ఫోటోను షేర్ చేసింది. ప్రస్తుతం దీనికి సంబంధించిన శృతి ఫోటో వైరల్ అవుతుంది.
|
|