మొత్తం పట్టణాన్ని ఆక్రమించిన నాని అండ్ 'దసరా' గ్యాంగ్
cinema | Suryaa Desk | Published : Thu, Apr 14, 2022, 05:29 PM
శ్రీకాంత్ ఓదెల దర్శకత్వంలో నేచురల్ స్టార్ నాని, కీర్తి సురేష్ "దసరా" సినిమాలో నటిస్తున్నారు. యాక్షన్ డ్రామాగా ట్రాక్ లో వస్తున్న ఈ సినిమాలో సముద్రఖని, సాయి కుమార్, జరీనా వహాబ్ కీలక పాత్రలలో నటిస్తున్నారు. ప్రస్తుతం ఈ సినిమా షూటింగ్ పెద్దపల్లి జిల్లాలోని గోదావరిఖని (తెలంగాణ)లో జరుగుతోంది. ప్రేమ్ రక్షిత్ మాస్టర్ కొరియోగ్రఫీలో నాని, కీర్తి సురేష్లపై ఒక పాటను చిత్రీకరిస్తున్నారు. ఈ సాంగ్ షూట్లో 500 మంది డ్యాన్సర్లతో ఈ పాటను చిత్రీకరిస్తున్నారు. గోదావరిఖని చాలా చిన్న పట్టణం కావడంతో 500 మంది డ్యాన్సర్లతో పాటు జూనియర్ ఆర్టిస్టులకు వసతి కల్పించడానికి మేకర్స్ చాలా కష్టాలు పడుతున్నారు. అందుకోసం ప్రభుత్వ అతిథి గృహాలు, హోటల్స్, కల్యాణ మండపాలను కూడా మూవీ మేకర్స్ బుక్ చేసినట్లు సమాచారం. ఈ సినిమా తెలుగు, తమిళం, కన్నడ, మలయాళం, హిందీ భాషల్లో విడుదల కానుంది. శ్రీ లక్ష్మీ వెంకటేశ్వర సినిమాస్ బ్యానర్పై సుధాకర్ చెరుకూరి ఈ సినిమాని నిర్మిస్తున్నారు. సంతోష్ నారాయణన్ సంగీతం అందిస్తున్నారు.
|
|