'సెల్ఫిష్' గా రానున్న రౌడీ బాయ్స్ హీరో
cinema | Suryaa Desk | Published : Fri, Apr 15, 2022, 10:32 AM
ప్రముఖ నిర్మాత దిల్ రాజు మేనల్లుడు ఆశిష్ రెడ్డి 'రౌడీ బాయ్స్' సినిమాతో టాలీవుడ్ లోకి హీరోగా ఎంట్రీ ఇచ్చాడు. ఈ సినిమా సంక్రాంతికి విడుదలై మంచి రెస్పాన్స్ సంపాదించుకుంది. తాజాగా ఇప్పుడు ఈ యంగ్ హీరో మరో సినిమాతో ప్రేక్షకులని అలరించడానికి సిద్ధమవుతున్నాడు. కాశీ విశాల్ దర్శకత్వం వహిస్తున్న ఈ సినిమాకి 'సెల్ఫిష్' అనే టైటిల్ ని మూవీ మేకర్స్ లాక్ చేసారు. ఈ సినిమాని ప్రకటిస్తూ మూవీ మేకర్స్ ఒక పోస్టర్ ని కూడా విడుదల చేసారు. ఆశిష్ ఈ పోస్టర్ లో స్లీవ్లెస్ హూడీని ధరించి, జుట్టు మరియు గడ్డంతో ప్రస్తుతం యూత్లో ట్రెండ్ అయిన హెవీలీ కస్టమైజ్డ్ బైక్ను నడుపుతు కనిపిస్తున్నాడు. ఈ సినిమా లాంచ్ ఈవెంట్ ఈరోజు ఘనంగా జరగనుంది. యూత్ఫుల్ ఎంటర్టైనర్ ట్రాక్ లో రానున్న ఈ సినిమాకి మిక్కీ జె మేయర్ సంగీతాన్ని అందిస్తున్నారు. దిల్ రాజు ఎస్వీసీ బ్యానర్పై దర్శకుడు సుకుమార్ ఈ చిత్రాన్ని నిర్మిస్తున్నారు.
|
|