ఎన్టీఆర్-రామ్చరణ్తో పోటీపై ప్రభాస్ కీలక వ్యాఖ్యలు
cinema | Suryaa Desk | Published : Fri, Apr 15, 2022, 05:35 PM
బాహుబలి తర్వాత వరుసగా పాన్ ఇండియా సినిమాలతో ప్రభాస్ అలరిస్తున్నాడు. తాజా చిత్రం రాధేశ్యామ్ ఫలితాలు నిరాశపరిచినా, ప్రభాస్ క్రేజ్ ఏ మాత్రం తగ్గలేదు. ప్రస్తుతం ఆయన చేతిలో సలార్, ఆది పురుష్, ప్రాజెక్ట్ కే వంటి భారీ చిత్రాలు ఉన్నాయి. ప్రస్తుతం ఆయన ప్రశాంత్ నీల్ దర్శకత్వంలో సలార్ చిత్రం చేస్తున్నారు. ఇక యష్ హీరోగా ప్రశాంత్ నీల్ దర్శకత్వంలో గురువారం ప్రపంచ వ్యాప్తంగా విడుదలైన కేజీఎఫ్-చాప్టర్ 2 అద్భుత విజయాన్ని సొంతం చేసుకున్న విషయం తెలిసిందే. దీంతో ప్రభాస్ ఆ సినిమాపై స్పందించారు.
ఓ ఆంగ్ల పత్రికకు ఇచ్చిన ఇంటర్వ్యూలో పలు విషయాలను పంచుకున్నారు. ఎన్టీఆర్-రామ్చరణ్తో పోటీ ఉందని భావిస్తున్నారా అని అడిగిన ప్రశ్నకు ప్రభాస్ స్పందించాడు. వారితో పోటీ అని భావించడం లేదని పేర్కొన్నాడు. దక్షిణాది, ఉత్తరాది బేధం లేకుండా అందరం కలిసి మరిన్ని పాన్ ఇండియా చిత్రాలు తీయాల్సి ఉందని తెలిపాడు. రాజమౌళి దర్శకత్వంలో వచ్చిన ఆర్ఆర్ఆర్ అఖండ విజయం సాధించడం శుభపరిణామమన్నారు. ప్రశాంత్ నీల్ దర్శకత్వంలో వచ్చిన కేజీఎఫ్ చాప్టర్ 2 కూడా భారీ విజయం దిశగా వెళ్తోందని, ఆయన దర్శకత్వంలోనే తాను సలార్ చేస్తున్నానని చెప్పారు.
|
|