పంజాబ్ పోలీసులతో రామ్ చరణ్... అసలు విషయమేంటంటే?
cinema | Suryaa Desk | Published : Fri, Apr 15, 2022, 09:02 PM
'ఆర్ ఆర్ ఆర్' లాంటి బిగ్గెస్ట్ పాన్ ఇండియా హిట్ తర్వాత మెగా పవర్ స్టార్ రామ్ చరణ్ కోలీవుడ్ స్టార్ డైరెక్టర్ శంకర్ డైరెక్షన్లో ఒక మూవీ ని చేస్తున్నారు. రామ్ చరణ్ కెరీర్లో ఇది 15 వ చిత్రం. ఇంకా టైటిల్ ఖరారు చేయని ఈ మూవీ RC #15 వర్కింగ్ టైటిల్ తో పిలవబడుతుంది. ఇటీవలే హైదరాబాద్ లో ఒక షెడ్యూల్ ను పూర్తి చేసుకున్న ఈ చిత్రం తాజాగా పంజాబ్ లో మరో కొత్త షెడ్యూల్ ని స్టార్ట్ చేసింది. ఈ మేరకు RC #15 చిత్రబృందం మొత్తం ఒక్కొక్కరుగా పంజాబ్ కి వెళుతున్నారు. ఈ నేపథ్యంలోనే హీరో రామ్ చరణ్ కూడా పంజాబ్ చేరుకున్నారు. 'ఆర్ ఆర్ ఆర్' తో పాన్ ఇండియా క్రేజ్ తెచ్చుకున్న చరణ్ పంజాబ్ కు రావడంతో అక్కడి వారు చెర్రీ తో ఫోటోలు దిగేందుకు ఎగబడ్డారు. చరణ్ కు సెక్యూరిటీ గా వ్యవహరిస్తున్న పంజాబ్ పోలీసులు సైతం ఆయనతో ఫోటోలు దిగడానికి ఉత్సాహాన్ని చూపించారు. ఈ మేరకు పంజాబ్ పోలీసులతో చరణ్ దిగిన ఫోటోలు ప్రస్తుతం సోషల్ మీడియాలో వైరల్ అవుతున్నాయి.
RC15 లో చరణ్ రెండు విభిన్నమైన పాత్రలు పోషిస్తున్నట్టు తెలుస్తుంది. వినయ విధేయ రామ తర్వాత హీరోయిన్ కియారా అద్వానీ మరోసారి ఈ సినిమాలో చరణ్ తో జోడి కట్టనుంది. థమన్ మ్యూజిక్ అందిస్తున్న ఈ చిత్రానికి తమిళ స్టార్ డైరెక్టర్ కార్తిక్ సుబ్బరాజ్ కథని అందించటం విశేషం.
|
|