కెజీఎఫ్ 2 గ్రాండ్ సక్సెస్ తో పుష్ప 2 లెక్కలు మారబోతున్నాయా?

ఇటీవలి కాలంలో సౌత్ సినిమాలు నార్త్ లో తమ హవా చూపిస్తున్నాయి. రాజమౌళి దర్శకత్వంలో వచ్చిన బాహుబలి, ప్రశాంత్ నీల్ డైరెక్ట్ చేసిన కేజీఎఫ్ ఫ్రాంచైజీలు, ఇంకా జక్కన్న దర్శకత్వంలోనే వచ్చిన మరో చిత్రం ఆర్ ఆర్ ఆర్ , సుకుమార్ డైరెక్ట్ చేసిన పుష్ప ... వంటి దక్షిణాది సినిమాలు హిందీ సినిమాలకు ధీటుగా బాలీవుడ్ బాక్సాఫీస్ ని షేక్ చేసిన విషయం తెలిసిందే. 

తాజాగా ధియేటర్లలోకొచ్చిన కేజీఎఫ్ 2 సినిమా దాదాపు రూ. 61 కోట్లు సాధించి నార్త్ బెల్ట్ లో బాహుబలి 2 సెట్ చేసిన రికార్డును బ్రేక్ చేసింది. అంటే ఈ కన్నడ సినిమాకి నార్త్ ఆడియెన్స్ ఆదరణ ఏరేంజులో ఉందో అర్ధమవుతుంది.  గతేడాది విడుదలైన పుష్ప తెలుగులో మిక్స్డ్ టాక్ తెచుకున్నప్పటికీ బాలీవుడ్ జనాలు మాత్రం బ్రహ్మరథం పట్టారు. ఎటువంటి భారీ ప్రమోషన్స్ చేయకున్నా కేవలం మౌత్ టాక్ తోనే వంద కోట్లకు పైగా నెట్ కలెక్షన్లు సాధించింది పుష్ప సినిమా. బాహుబలి 2, కేజీఎఫ్ 2 సినిమాలకి నార్త్ ఆడియన్స్ నుండి విశేష స్పందన, భారీ బాలీవుడ్ బాక్సాఫీస్ కలెక్షన్లు పుష్ప 2 మూవీ కి కూడా రావాలంటే ఆ సినిమా అక్కడ మంచి బిజినెస్ చెయ్యాల్సిన అవసరం ఉంది. ఇప్పటికే బాలీవుడ్ జనాలు పుష్ప మ్యానియా తో ఊగిపోతున్నారు. దీంతో ఆ సినిమా సీక్వెల్ పై భారీ అంచనాలు ఏర్పడ్డాయి. ఈ అంచనాలకు ధీటుగా పుష్ప నిర్మాతలు సీక్వెల్ సినిమాను భారీగా రూపొందిస్తే పుష్ప మొదటిభాగానికన్నా గ్రాండ్ సక్సెస్ అవుతుందని విశ్లేషకుల అంచనా.  ఇప్పటికే సినీ క్రిటిక్స్ అంచనా ప్రకారం, బాలీవుడ్ లో కేజీఎఫ్ 2 సెట్ చేసిన తొలిరోజు రికార్డ్ ఓపెనింగ్స్ ను బ్రేక్ చేయగల సత్తా పుష్ప 2 కి ఉందని తెలుస్తోంది. పోతే... బాలీవుడ్ దర్శకనిర్మాతలు మంచి హిట్ల కోసం నానా తంటాలు పడుతుంటే, సౌత్ సినిమాలు మాత్రమ్ నార్త్ లో వందల కోట్లను కొల్లగొడుతున్నాయి.