'అంటే సుందరానికి' మూవీ టీజర్ అప్డేట్...
cinema | Suryaa Desk | Published : Mon, Apr 18, 2022, 12:55 PM
వివేక్ ఆత్రేయ దర్శకత్వంలో నాచురల్ స్టార్ నాని, మలయాళ నటి నజ్రియా నాజీమ్ హీరో హీరోయిన్లుగా నటిస్తున్న చిత్రం 'అంటే సుందరానికి'. గతేడాది శ్యామ్ సింగ రాయ్ గా గంభీరమైన పాత్ర పోషించి ప్రేక్షకులతో పాటు విమర్శకుల ప్రశంసలు అందుకున్నాడు హీరో నాని. తన తరవాతి చిత్రమైన 'అంటే సుందరానికి' లో పూర్తి ఫన్ లుక్ లో ప్రేక్షకుల ముందుకు రానున్నాడు. ఈ చిత్రాన్ని మైత్రీ మూవీ మేకర్స్ బ్యానర్ పై నవీన్ యార్నేని, రవి శంకర్ నిర్మిస్తున్నారు. ప్రస్తుతం పోస్ట్ ప్రొడక్షన్ పనులు జరుపుకుంటున్న ఈ చిత్రం జూన్ 10న ప్రేక్షకుల ముందుకు రానుంది.
ఇప్పటికే ఈ మూవీ నుండి విడుదలైన గ్లిమ్ప్స్, పోస్టర్లు ప్రేక్షకుల నుండి విశేష ఆదరణ దక్కించుకున్నాయి. ఈ నేపథ్యంలో ఈ మూవీ టీజర్ పై ఇంటరెస్టింగ్ అప్డేట్ ఇచ్చింది చిత్రబృందం. టీజర్ ను ఏప్రిల్ 20 వ తేదీన 11.07 గంటలకు విడుదల చేయనున్నట్లు ప్రకటించింది. ఈ మేరకు రెండు స్పెషల్ పోస్టర్లను కూడా విడుదల చేసింది. ఒక పోస్టర్లో, చర్చ్ బ్యాక్ గ్రౌండ్ లో నానినజ్రియాలిద్దరూ అచ్చ తెలుగు గెటప్ లో పంచె, చీరకట్టులో కనబడితే మరొక పోస్టర్లో గుడి బ్యాక్ గ్రౌండ్ లో సూటూ, గౌను ధరించి క్రైస్తవ వధూవరులుగా కనిపించి ఈ సినిమాపై విపరీత ఆసక్తిని కలుగజేస్తున్నారు.
|
|