ఈ రోజు తెలుగమ్మాయి స్వాతి రెడ్డి బర్త్ డే
cinema | Suryaa Desk | Published : Tue, Apr 19, 2022, 04:40 PM
స్వాతి రెడ్డి.. అచ్చతెలుగు ఆడపడుచు. తన క్యూట్ మాటలతో, చక్కటి అందం,అభినయంతో తెలుగు ప్రేక్షకుల హృదయాల్లో మంచి స్థానం సంపాదించుకుంది. అయితే స్వాతి నటించిన అష్టాచెమ్మా, స్వామి రారా వంటి సినిమాలు తప్పితే టాలీవుడ్లో ఆమెకు మంచి సినిమా అవకాశాలు రాలేదు. కానీ తమిళం లో వరస సినిమాలను చేసి హీరోయిన్ గా మంచి గుర్తింపు తెచ్చుకుంది. ఈ క్రమంలోనే వికాస్ వాసు ను 2018లో వివాహం చేసుకుని విదేశాలకు వెళ్ళిపోయింది.
అయితే తాజాగా మళ్ళీ సినిమా అవకాశాల కోసం చూస్తుందట స్వాతి. ఇటీవలనే విదేశాలనుండి తిరిగొచ్చిన స్వాతి పంచతంత్రం అనే చిన్న సినిమాలో లీడ్ రోల్ లో నటిస్తుంది. కరోనా కారణంగా షూటింగ్ వాయిదా పడిన ఈ మూవీ త్వరలోనే ప్రేక్షకుల ముందుకు రానుంది. అయితే ఈ రోజు స్వాతి పుట్టినరోజు సందర్భంగా చిత్రబృందం ఆమెకు పుట్టినరోజు శుభాకాంక్షలను తెలుపుతూ ఒక స్పెషల్ పోస్టర్ ను విడుదల చేసింది. హర్ష పులిపాక డైరెక్షన్లో ఆధునిక జీవిత నేపథ్యంతో తెరకెక్కుతున్న ఈ సినిమాలో రాహుల్ విజయ్, నరేష్ అగస్త్య, శివాత్మిక రాజశేఖర్, బ్రహ్మానందం, ఆమని ముఖ్య పాత్రలు పోషిస్తున్నారు. ఈ సినిమా స్వాతికి ఒకరకంగా టాలీవుడ్ రీఎంట్రీ అనే చెప్పాలి. మరి రీఎంట్రీలో స్వాతి ఏమేరకు సక్సెస్ అవుతుందన్నది ఆసక్తిగా మారింది.
|
|