మహేష్ ఫ్యాన్స్ కు పాపులర్ సింగర్ స్వీట్ వార్నింగ్ ...

ఇటీవలి కాలంలో టాలీవుడ్లో తెలుగు సింగర్స్ కాకుండా పరభాషా గాయకులు అద్భుతంగా రాణిస్తున్నారు. ఇందుకు చక్కటి ఉదాహరణగా ఫేమస్ సింగర్ సిద్ధ్ శ్రీరామ్ ను చెప్పొచ్చు. ఐ చిత్రంలోని 'నువ్వుంటే నా జతగా' పాటతో మొదలైన ఆయన టాలీవుడ్ కెరీర్ అంచెలంచెలుగా ఎదుగుతూ టాలీవుడ్ లో టాప్ రేంజుకు చేరుకుంది. మరొక గాయకుడు అర్మాన్ మాలిక్ కూడా ఈ మధ్య తెలుగులో అద్భుతమైన పాటలను పాడుతూ మెలోడీ లవర్స్ ను ఆకట్టుకుంటున్నారు. వరుణ్ తేజ్ తొలిప్రేమ లో నిన్నిలా, తారక్ అరవింద సామెత లో అనగనగా పాటలు అర్మాన్ పాడినవే.  అల్లుఅర్జున్ నటించిన అల వైకుంఠపురంలో సినిమాలో పాడిన బుట్టబొమ్మ పాట అర్మాన్ కు మంచి బ్రేక్ నిచ్చింది. ఇటీవల సూపర్ హిట్ ఐన చిత్రం మోస్ట్ ఎలిజిబుల్ లో గుచ్చే గులాబిలాగా పాటను కూడా అర్మానే పాడాడు. ఈ పాటలన్ని ఎంత పెద్ద హిట్ అయ్యాయో మనందరికీ తెలిసిందే. 

తాజాగా మహేష్ కొత్త చిత్రం సర్కారువారిపాట చిత్రంలో కూడా అర్మాన్ ఒక మెలోడీని ఆలపించాడు. థమన్ స్వరపరిచిన ఈ గీతం శ్రోతలను విపరీతంగా ఆకట్టుకుంటుందట. ఈ న్యూస్ బయటకు రావటంతో మహేష్ అభిమానులు సోషల్ మీడియాలో అర్మాన్ పై తీవ్ర ఒత్తిడిని తీసుకువచ్చారట. మహేష్ మూవీ లో పాడిన పాటపై చిన్న అప్డేట్ అయినా ఇవ్వండంటూ సోషల్ మీడియాలో అర్మాన్ కు రోజుకు వందల్లో మెసేజ్ లు వచ్చేవట. దీంతో విసిగిపోయిన అర్మాన్ మహేష్ అభిమానుల మెసేజ్ లకు స్పందిస్తూ ఇలా అన్నాడు. 'మీలానే నేను కూడా ఆ పాట ఎప్పుడు విడుదలవుతుందని ఎదురు చూస్తున్నాను. అధికారికంగా విడుదలవటానికి కొంచెం టైం పడుతుంది అంతవరకు వెయిట్ చేయండంటూ' అర్మాన్ మహేష్ అభిమానులకు స్వీట్ వార్నింగ్ ఇచ్చాడు.