హ్యాట్రిక్ జోరు మీదున్న కృతి శెట్టి

 మెగా మేనల్లుడు వైష్ణవ్ తేజ్ తొలి సినిమా ఉప్పెన తో టాలీవుడ్ ఎంట్రీ ఇచ్చింది హీరోయిన్ కృతిశెట్టి. తొలి సినిమాతోనే రూ. 100 కోట్ల బ్లాక్బస్టర్ హిట్ ని తన ఖాతాలో వేసుకుంది. ఆ తర్వాత ఆమె, నాచురల్ స్టార్ నాని సరసన శ్యామ్ సింగ రాయ్, నాగ చైతన్య సరసన బంగార్రాజు చిత్రాలలోనూ నటించి హ్యాట్రిక్ విజయాలను నమోదు చేసి, ఇండస్ట్రీలో లక్కీ హీరోయిన్ గా మారింది. దీంతో ఈ యువ హీరోయిన్ కు వరసపెట్టి పెద్ద సినిమాలలో పిలిచి మరీ అవకాశాలు ఇస్తున్నారు టాలీవుడ్ దర్శకనిర్మాతలు. తెలుగులో కృతి నితిన్ 'మాచర్ల నియోజకవర్గం'లో, రామ్ పోతినేని 'ది వారియర్' లో, సుధీర్ బాబు 'ఆ అమ్మాయి గురించి మీకు చెప్పాలి' చిత్రాలలో నటిస్తుంది.కోలీవుడ్ హీరో సూర్య- బాల లో కాంబోలో వస్తున్న ప్రెస్టీజియస్ మూవీలో కూడా కృతినే లీడ్ హీరోయిన్. ఈ సినిమాలన్నీ కూడా బాక్సాఫీస్ వద్ద మంచి విజయాలనందుకుంటే కృతి కెరీర్ గ్రాఫ్ ఆకాశాన్ని తాకుతుంది. ఇండస్ట్రీలో అపజయమే ఎరుగని గోల్డెన్ లెగ్ హీరోయిన్ గా ఈ యంగ్ బ్యూటీ అవతరిస్తుంది. 

అయితే... ఇక్కడ ఒక విషయంలో బోలెడు సందేహాలు వస్తున్నాయి. అష్టాచెమ్మా ఫేమ్ మోహన కృష్ణ ఇంద్రగంటి దర్శకత్వంలో తెరకెక్కనున్న ఆ అమ్మాయి గురించి మీకు చెప్పాలి చిత్రంలో సుధీర్ బాబు, కృతి జంటగా నటిస్తున్నారు. సుధీర్ బాబు కు గానీ, ఇంద్రగంటి కి గానీ ఇండస్ట్రీలో పెద్ద మార్కెట్ లేదు. ఒక చిన్న సినిమాగా థియేటర్లలో విడుదల కానుంది. కొంచెం కూడా లైం లైట్ లో లేని హీరో, దర్శకుడితో కృతి సినిమా చెయ్యటం వెనక అసలు ఉద్దేశం ఏంటి? ఈ సినిమా సక్సెస్ కాకుంటే టాలీవుడ్లో కృతి పరిస్థితేంటి? అనే సందేహాలు వస్తున్నాయి. షూటింగ్ పూర్తి చేసుకుని కరోనా కారణంగా విడుదల వాయిదా పడుతున్న ఈ సినిమా, థియేటర్ల వద్ద పెద్ద సినిమాలు హడావిడి చేస్తుండటంతో మరింత ఆలస్యం కానుంది. ఇప్పటివరకు కృతి నటించిన అన్ని సినిమాలు హిట్టే. ఆ లెక్కన హిట్ కోసం కష్టపడుతున్న సుధీర్ బాబుకు కూడా హిట్ ఇస్తే ఇక ఇండస్ట్రీలో కృతి పేరు మారు మోగిపోవటం ఖాయం.