మగబిడ్డకు జన్మనిచ్చిన కాజల్... నీల్ కిచ్లు గా నామకరణం
cinema | Suryaa Desk | Published : Wed, Apr 20, 2022, 03:54 PM
టాలీవుడ్ స్టార్ హీరోయిన్, అభిమానులు చందమామ గా పిలుచుకునే హీరోయిన్ కాజల్ అగర్వాల్ నిన్న అంటే ఏప్రిల్ 19 ఉదయం పండంటి మగబిడ్డకు జన్మనిచ్చింది. ఈ వార్త నిన్నే బయటకు వచ్చినప్పటికీ, కాజల్ చెల్లెలు నిషా ఈ రోజు అధికారికంగా ఈ వార్తను దృవీకరించింది. ఈ మేరకు నిషా ఈ రోజు తన ఇంస్టాగ్రామ్ ఖాతాలో స్పెషల్ స్టోరీ ను షేర్ చేసింది. కాజల్, గౌతమ్ దంపతులు తమ మొదటి సంతానానికి నీల్ కిచ్లు అనే పేరును పెట్టుకున్నట్టు ఈ పోస్ట్ ద్వారా తెలుస్తుంది. తమ జీవితాలను మరింత అందంగా, ఆనందకరంగా మార్చటానికి నీల్ కిచ్లు అనే విలువైన బహుమతిని మేము మా జీవితాల్లోకి ఆహ్వానం పలుకుతున్నాం. తన అందమైన నవ్వు, చిన్ని చిన్ని కళ్ళు, పాదాలు, తీర్చిదిద్దినట్టుగా ఉన్న గోళ్లు... నిన్నటి ఉదయాన్ని పర్ఫెక్ట్ రోజుగా, ఆనందకరంగా మార్చాయి... అంటూ నిషా తన స్టోరీ లో రాసుకొచ్చింది.
పోతే... తన చిన్ననాటి స్నేహితుడు, ప్రముఖ వ్యాపార వేత్త ఐన గౌతమ్ కిచ్లు ను 2020లో కాజల్ పెళ్లి చేసుకుంది. వీరి వివాహం ముంబైలోని తాజ్ మహల్ ప్యాలెస్ లో అంగరంగ వైభవం గా జరిగింది.
|
|