ట్రెండింగ్
అమ్మాయిపై దాడి చేసిన స్టార్ హీరో అరెస్ట్
cinema | Suryaa Desk | Published : Wed, Apr 20, 2022, 05:03 PM
హాలీవుడ్ హీరో ఎజ్రా మిల్లర్ వ్యవహార శైలి ఇటీవల కాలంలో చర్చనీయాంశంగా మారింది. ఇటీవల ఓ బార్లో లేడీ సింగర్ను చేయి పట్టిలాగి అరెస్ట్ అయ్యాడు. క్షమాపణ చెప్పి అప్పట్లో తప్పించుకున్నాడు. తాజాగా అదే వైఖరితో మరోసారి వార్తల్లో నిలిచాడు. 'ది ఫ్లాష్'లో సూపర్ హీరో పాత్రలో నటించి మంచి గుర్తింపు తెచ్చుకున్న ఎజ్రా మిల్లర్. మంగళవారం ఉదయం హవాయి ద్వీపం పోలీసులు ఆయనను అరెస్ట్ చేశారు. మిల్లర్ ఒక ప్రైవేట్ నివాసాన్ని విడిచిపెట్టాలని అక్కడి అమ్మాయి కోరింది. అయితే అందుకు ఎజ్రా మిల్లర్ అంగీకరించలేదు. పైపెచ్చు ఆగ్రహంతో దగ్గర్లో ఉన్న కుర్చీని విసిరేశాడు. అది ఆ 26 ఏళ్ల మహిళ నుదుటికి బలంగా తాకింది. దీంతో ఆమె వెంటనే పోలీసులకు సమాచారం అందించింది. వారు వచ్చి ఎజ్రా మిల్లర్ను అరెస్ట్ చేశారు. బుధవారం ఉదయం 4 గంటల వరకు పోలీస్ స్టేషన్లోనే అతడిని ఉంచారు. ఆ తర్వాత స్టేషన్ బెయిల్ ఇచ్చి పంపించేశారు. ఇక మార్చి 28న హవాయిలోని ఓ బార్లో ఈ స్టార్ హీరో మహిళా సింగర్ తో అసభ్యంగా ప్రవర్తించి అరెస్టైన విషయం తెలిసిందే. పోలీసులు ఎజ్రాకు 500 డాలర్ల ఫైన్ వేశారు. తాజా ఘటనతో హీరోలో టెంపర్మెంట్ చాలా ఉందని నెటిజన్లు విమర్శిస్తున్నారు. ఇదిలా ఉండగా ఇతడి వైఖరిపై వార్నర్ బ్రదర్స్ నిర్మాతలు కూడా ఆగ్రహంతో ఉన్నారని తెలుస్తోంది. దీని వల్ల ఆయన సినీ కెరీర్ ప్రమాదంలో ఉన్నట్లేననే అభిప్రాయాలు వ్యక్తమవుతున్నాయి.
|
|