ఒక్కరు మినహా మెగా హీరోలందరినీ కవర్ చేసిన శేఖర్ మాస్టర్..
cinema | Suryaa Desk | Published : Wed, Apr 20, 2022, 09:30 PM
టాలీవుడ్ కొరియోగ్రాఫర్స్ లో ప్రస్తుతం శేఖర్ మాస్టర్ టాప్ రేంజ్ లో ఉన్నారని ప్రత్యేకంగా చెప్పనవసరం లేదు. ఈ టీవీ ఛానెల్ లో ప్రసారమైన ఢీ అనే డాన్స్ షో తో ప్రేక్షకులకు పరిచయమైన శేఖర్ అనతికాలంలోనే టాలీవుడ్ స్టార్ కొరియోగ్రాఫర్ గా మారారు. ఇదివరకు మన తెలుగు హీరోలకు కొరియోగ్రఫీ చేయటానికి ప్రభుదేవా, లారెన్స్, సుందరం వంటి తమిళ డాన్స్ మాస్టర్లు వచ్చేవారు. కానీ ప్రస్తుత పరిస్థితి అందుకు పూర్తి భిన్నం. అక్కడి స్టార్ హీరోల సినిమాలు మన తెలుగు కొరియోగ్రాఫర్స్ లేకుండా ముందుకెళ్ళలేవు. శేఖర్ మాస్టర్, జానీ మాస్టర్ వంటి వారు తెలుగుతో పాటు కోలీవుడ్, బాలీవుడ్లో కూడా సత్తా చాటుతున్నారు.
ఇటీవల ఒక ఇంటర్వ్యూలో పాల్గొన్న శేఖర్ మాస్టర్ తన మనసులోని మాటని బయటపెట్టాడు. ఇప్పటివరకు తాను మెగా హీరోలందరినీ కొరియోగ్రఫీ చేసానని, ఒక్క పవన్ కళ్యాణ్ గారికే కొరియోగ్రఫీ చేసే ఛాన్స్ మిస్ చేసుకున్నానని, ఆయన పిలుపు కోసం వేచిచూస్తున్నట్టు శేఖర్ పేర్కొన్నారు. నిజానికి భీమ్లానాయక్ సమయంలోనే పవన్ నుండి శేఖర్ కు పిలుపొచ్చినా, కాల్షీట్స్ అడ్జస్ట్ చెయ్యలేక పవన్ ఇచ్చిన బంపర్ ఆఫర్ ను వదులుకున్నాడు. ఫ్యూచర్ లోనైనా పవన్ కు శేఖర్ కొరియోగ్రఫీ చేసే అవకాశం రావాలని కోరుకుందాం. ఆచార్య సినిమాలో భలే భలే బంజారా, నీలాంబరి పాటలకు శేఖర్ మాస్టారే కొరియోగ్రఫీ చేసారు.
|
|