నానిపై కన్నడిగుల ఆగ్రహం... వివరణ ఇచ్చుకున్న నాచురల్ స్టార్

వివేక్ ఆత్రేయ డైరెక్షన్లో నాచురల్ స్టార్ నాని, నజ్రియా నాజిమ్ జంటగా నటిస్తున్న చిత్రం అంటే సుందరానికి. తెలుగు,తమిళ, మలయాళ భాషల్లో జూన్ 10న విడుదలవనుంది. ఈ మూవీ టీజర్ ఈవెంట్ నిన్న హైదరాబాద్ లో చాలా గ్రాండ్ గా జరిగింది. ఈ మేరకు జరిగిన ప్రెస్ మీట్ లో కన్నడ లో ఈ సినిమాను ఎందుకు విడుదల చెయ్యట్లేదు అని ఒక విలేఖరి నాని ని ప్రశ్నించగా ఆయన ఇచ్చిన సమాధానం సోషల్ మీడియాలో వివాదాస్పదమయ్యింది. నాని ఏమన్నారంటే...  అంటే సుందరానికి సినిమాను కన్నడలో ప్రత్యేకంగా విడుదల చెయ్యాల్సిన అవసరం లేదు. కన్నడ, తెలుగు భాషలకు చాలా దగ్గరి పోలికలుంటాయి. దీంతో ఈ సినిమాను కన్నడ భాషలో విడుదల చెయ్యకపోయినా తెలుగులోనే చూసి ఎంజాయ్ చెయ్యగలరు. తెలుగు సినిమాలపై వారి ప్రేమ అలాంటిది.... అని చెప్పుకొచ్చారు. అయితే నాని చేసిన ఈ వ్యాఖ్యలపై సోషల్ మీడియా లో అగ్గి రాజుకుంది. దీనిపై కన్నడిగులు తీవ్ర ఆగ్రహాన్ని వ్యక్తం చేస్తూ, తెలుగు హీరోలు వాళ్ళ సినిమాలను మేము చూడాలనుకుంటే వారు తప్పక వారి సినిమాలను కన్నడలో డబ్ చెయ్యాల్సిందే. అప్పుడే వారి సినిమాలను మేము చూస్తాం... అంటూ సోషల్ మీడియాలో కామెంట్లు చేస్తున్నారు. తను చేసిన వ్యాఖ్యలు ఇలా వక్రీకరింపబడడం చూసి నాని షాక్ కు గురయ్యారు. దీంతో ట్విట్టర్ ద్వారా తాను చేసిన వ్యాఖ్యలపై వివరణ ఇచ్చుకున్నారు నాని. డబ్బింగ్ వెర్షన్ అందుబాటులో లేనప్పటికీ నేను నటించిన తెలుగు సినిమాలు, ఇంకా వేరే తెలుగు సినిమాలను కన్నడిగులు ఎంతో ఆదరణ చూపించారు. ప్రెస్ మీట్లో అడిగిన ప్రశ్నకు నేనిచ్చిన సమాధానాన్ని సోషల్ మీడియాలో వేరేవిధముగా ప్రాజెక్ట్ చేసారు. నేను వేరే ఉద్దేశంతో ఆ వ్యాఖ్యలు చేయనప్పటికీ కన్నడ వాళ్లకు క్షమాపణలు చెబుతున్నాను.  ప్రపంచవ్యాప్తంగా మంచి గుర్తింపును, ఆదరణను దక్కించుకున్న కన్నడ సినిమాలను చూసి గర్వంగా ఫీల్ అవుతున్నా.... అంటూ ట్వీట్ చేసారు నాని. 

ఏదిఏమైనా అంటే సుందరానికి సినిమాను తెలుగులో రిలీజ్ చెయ్యటం కన్నా కన్నడలో డబ్ చెయ్యటమనేది చాలా మంచి విషయం. దీనిపై నాని బృందం ఒకసారి ఆలోచన చేస్తే బాగుంటుంది.