కింగ్ ఖాన్ సరసన ఛాన్స్ ... తాప్సి ఎమోషనల్ ట్వీట్
cinema | Suryaa Desk | Published : Thu, Apr 21, 2022, 12:26 PM
బాలీవుడ్ దిగ్గజ దర్శకుడు రాజ్ కుమార్ హిరానీ దర్శకత్వంలో కింగ్ ఖాన్ షారుఖ్ ఖాన్ ఒక కొత్త చిత్రాన్ని చేయబోతున్నట్టు ఇటీవలనే అధికారిక ప్రకటన వచ్చింది. మున్నాభాయ్, 3 ఇడియట్స్, పీకే, సంజు వంటి ఇండస్ట్రీ హిట్ చిత్రాలనందించిన రాజ్ కుమార్, బాలీవుడ్ బాద్షా తో చేయబోతున్న తొలి చిత్రమిది. ఈ కాంబినేషన్లో సినిమా అనగానే ప్రేక్షకుల్లో అంచనాలు మొదలయ్యాయి. ఈ సినిమాకు డంకీ అనే ఇంటరెస్టింగ్ టైటిల్ ను ఫిక్స్ చేసారు. ఇందులో షారుఖ్ సరసన తొలిసారి తాప్సి పన్ను నటించబోతుంది. పెద్ద హీరో సినిమాలో అవకాశం రావటంతో తాప్సికి అభిమానులు, సన్నిహితులు శుభాకాంక్షలను తెలియజేస్తున్నారు. దీంతో భావోద్వేగానికి గురైన తాప్సి ఒక ఎమోషనల్ ట్వీట్ ను చేసింది.... కెరీర్లో ఇంత దూరం వచ్చానంటే సినిమాల పట్ల నాకున్న ప్యాషన్, కృషి, పట్టుదలే కారణం. మనం ఏదైనా బలంగా కోరుకుంటే, మన కోరికలో నిజాయితీ ఉంటే, ఈ ప్రకృతి, ప్రపంచం సహా దాన్ని నిజం చెయ్యటానికి అన్ని సహాయం చేస్తాయి. ఇంతటి గొప్ప అవకాశాన్ని పొందటానికి నాకు పదేళ్ల సుదీర్ఘ సమయం పట్టింది. ఏదైతేనేం ఆల్ ఈజ్ వెల్ ... అంటూ తాప్సి చేసిన ఈ ట్వీట్ షారుఖ్ సినిమాలో అవకాశం వచ్చినందుకు తను ఎంత సంతోషిస్తుందో, ఎంత గర్వంగా ఫీల్ అవుతుందో తెలియజేస్తుంది.
|
|