మెర్రిక్రిస్మస్ మూవీ నుండి వర్కింగ్ స్టిల్స్ లీక్.. పిక్స్ వైరల్...
cinema | Suryaa Desk | Published : Thu, Apr 21, 2022, 09:00 PM
కోలీవుడ్ విలక్షణ నటుడు విజయ్ సేతుపతి, బాలీవుడ్ గ్లామర్ బ్యూటీ కత్రినా కైఫ్ జంటగా నటిస్తున్న చిత్రం మెర్రిక్రిస్మస్. గతంలో రెండు, మూడు దక్షిణాది చిత్రాల్లో నటించిన కత్రినా చాలా కాలం తర్వాత చేస్తున్న సౌత్ సినిమా ఇది. ఒక విధంగా చెప్పాలంటే కత్రినాకిది సౌత్ లో రీఎంట్రీ మూవీ అన్నమాట. అంతేకాక కత్రినా గతంలో తెలుగులో, మలయాళంలో మాత్రమే నటించింది. దీంతో మెర్రిక్రిస్మస్ మూవీ కత్రినాకు కోలీవుడ్ డిబట్ మూవీ కూడా అన్నమాట. శ్రీరామ్ రాఘవన్ దర్శకుడిగా వ్యవహరిస్తున్న ఈ చిత్రంలో సౌత్ మోస్ట్ బిజీ క్యారెక్టర్ ఆర్టిస్ట్ రాధికా శరత్ కుమార్ ఒక కీలక పాత్రలో నటిస్తున్నారు. తాజాగా ఈ మూవీ నుండి రాధికా, కత్రినా ల వర్కింగ్ స్టిల్స్ కొన్ని లీకయ్యి సోషల్ మీడియాలో చక్కర్లు కొడుతున్నాయి. షూటింగ్ సందర్భంగా డీప్ డిస్కషన్లోకి జారుకున్న వీరిద్దరి పిక్స్ వైరల్ గా మారాయి. ఈ మూవీ షూటింగ్ ముగింపు దశకు చేరుకోబోతున్నట్టు తెలుస్తోంది. త్వరలోనే ఈ సినిమాను ప్రేక్షకుల ముందుకు తీసుకురాబోతున్నట్టు తెలుస్తోంది. ఈ సినిమాను కేవలం హిందీలోనే విడుదల చేస్తారా... లేక హిందీ, తమిళ భాషల్లో రిలీజ్ చేస్తారా అన్నది తెలియాల్సి ఉంది.
|
|