2022లో బాక్స్ఆఫీస్ వద్ద ఫ్లాప్ అయ్యిన తెలుగు సినిమాల లిస్ట్

రౌడీ బాయ్స్‌: ప్రముఖ నిర్మాత దిల్ రాజు మేనల్లుడు ఆశిష్ రెడ్డి "రౌడీ బాయ్స్‌" సినిమాతో టాలీవుడ్ లోకి ఎంట్రీ ఇచ్చాడు. ఈ మూవీలో ఆశిష్ రెడ్డి సరసన అనుపమ పరమేశ్వరన్‌ నటించింది. శ్రీ హర్ష కొనుగంటి డైరెక్షన్ లో వచ్చిన ఈ సినిమా జనవరి 14న రిలీజ్ అయ్యింది. బాక్సాఫీస్ వద్ద ఈ సినిమా 70% నష్టాలతో ముగిసింది.

సెబాస్టియన్ పి.సి. 524: యంగ్ అండ్ టాలెంటెడ్ హీరో కిరణ్ అబ్బవరం 'సెబాస్టియన్ పి.సి. 524' సినిమాతో మార్చి 4న ప్రేక్షకుల ముందుకు వచ్చాడు. బాలాజీ సయ్యపురెడ్డి దర్శకత్వం వహించిన ఈ సినిమాలో నమ్రత దారేకర్, కోమలి ప్రసాద్ హీరోయిన్స్ గా నటిస్తున్నారు. ఈ సినిమాలో శ్రీకాంత్ అయ్యంగార్, సూర్య, రోహిణి రఘువరన్, ఆదర్శ్ బాలకృష్ణ ముఖ్య పాత్రలు పోషిస్తున్నారు. ఈ సినిమా బాక్సాఫీస్ వద్ద 70% నష్టాలను చవిచూసింది.

రాధే శ్యామ్: రాధా కృష్ణ డైరెక్షన్ లో పాన్ ఇండియా స్టార్ ప్రభాస్ మరియు పూజాహెగ్డే నటించిన 'రాధేశ్యామ్' సినిమా బాక్సాఫీస్ వద్ద డిజాస్టర్‌గా నిలిచింది.

ఖిలాడీ: టాలీవుడ్ మాస్ మహారాజ్ రవితేజ నటించిన "ఖిలాడి" సినిమా ఫిబ్రవరి 11న ప్రేక్షకుల ముందుకు వచ్చింది. రమేష్ వర్మ దర్శకత్వం వహించిన ఈ చిత్రంలో మీనాక్షి చౌదరి, డింపుల్ హయాతి కథానాయికలుగా నటిస్తున్నారు. మాస్ మహారాజా రవితేజ నటించిన యాక్షన్ డ్రామా 'ఖిలాడి' 60% నష్టాలతో ముగిసింది.

ఆడవాళ్లు మీకు జోహార్లు: శర్వానంద్ మరియు రష్మిక మందన్న నటించిన రొమాంటిక్ మరియు ఫ్యామిలీ డ్రామా 'ఆడవాళ్లు మీకు జోహార్లు' బాక్సాఫీస్ వద్ద డల్ గా నిలిచింది. ఈ సినిమా బాక్స్ఆఫీస్ వద్ద 60% నష్టాలను చవిచూసింది.

ఘనీ: కిరణ్ కొర్రపాటి దర్శకత్వంలో వరుణ్ తేజ్ నటించిన 'ఘనీ' సినిమా బాక్సాఫీస్ వద్ద 40% నష్టాన్ని చవిచూసింది.

స్టాండ్ అప్ రాహుల్: యంగ్ అండ్ టాలెంటెడ్ హీరో రాజ్ తరుణ్ 'స్టాండ్ అప్ రాహుల్‌' సినిమా మార్చి 18, 2022న ఆడియన్స్ ముందుకు వచ్చాడు. సంతోమోహన్ వీరంకి దర్శకత్వం వహిస్తున్న ఈ సినిమాలో బబ్లీ బ్యూటీ వర్ష బొల్లమ్మ హీరోయిన్ గా నటిస్తుంది. తక్కువ బడ్జెట్‌తో తీసినప్పటికి ఈ సినిమా 90% నష్టాలతో ముగిసింది.

హీరో: టాలీవుడ్ సూపర్ స్టార్ మహేష్ బాబు మేనల్లుడు, కృష్ణ మనవడు అశోక్ గల్లా 'హీరో' సినిమాతో టాలీవుడ్ కి ఎంట్రీ ఇచ్చాడు.
'భలే మంచి రోజు' ఫేమ్ శ్రీరామ్ ఆదిత్య దర్శకత్వం వహించారు. జగపతి బాబు, నరేష్, వెన్నెల కిషోర్ మరియు బ్రహ్మాజీ కూడా కీలక పాత్రలు పోషించారు. ఈ సినిమాలో నిధి అగర్వాల్ అశోక్ గల్లా సరసన నటించింది. ఈ సినిమా బాక్సాఫీస్ వద్ద 85% నష్టాలతో ముగిసింది.