హీరో రాజశేఖర్ జైలుకు వెళ్తారు.. ప్రముఖ నిర్మాత ఆరోపణలు
cinema | Suryaa Desk | Published : Fri, Apr 22, 2022, 06:08 PM
డైరెక్టర్ జీవితా రాజశేఖర్పై జోస్టర్ ఫిలిం సర్వీసెస్ డైరెక్టర్ కోటేశ్వర రాజు సంచలన ఆరోపణలు చేశారు. 'గరుడ వేగ సినిమాకు ఆస్తులు తాకట్టు పెట్టి డబ్బులు ఇచ్చాం. జీవితా రాజశేఖర్ రూ.26కోట్లు ఎగవేశారు. మేము ఇచ్చిన సొమ్మును బినామీల పేరుకు మార్చుకుని మోసం చేశారు. రాజశేఖర్ అమాయకుడిలా నటించారు. త్వరలో ఆయన జైలుకు వెళ్తారు. జీవితా రాజశేఖర్పై అరెస్ట్ వారెంట్ జారీ అయింది' అని చెప్పారు.
జ్యో స్టార్ ఫిలిం ప్రొడక్షన్ ఫౌండర్ కోటేశ్వరరాజు మాట్లాడుతూ..రాజశేఖర్ తండ్రి వరదరాజన్ వల్ల మేము వారికి పరిచయం అయ్యాం. రాజశేఖర్, జీవితల వల్ల మేము చాలా ఇబ్బంది పడుతున్నాం” అని అన్నారు.
”రాజశేఖర్ తో సినిమా తీసే వారు లేని సమయంలో మేము ఆయనతో గరుడవేగ సినిమా తీశాం. రాజశేఖర్ తమ ఆస్తులను మా వద్ద తాకట్టు పెట్టి 26 కోట్లు రూపాయలు అప్పు తీసుకున్నారు. మా వద్ద ప్రాపర్టీ పెట్టి మమ్మల్ని మోసం చేశారు. తమిళనాడు రాష్ట్రం, తిరువళ్ళూరు జిల్లా ఎస్పి రాజశేఖర్ పై క్రిమినల్ కేసు నమోదు చేశారు. సినిమాకు మేము డబ్బు పెడితే సంజయ్ రామ్ కు మా సినిమాను అమ్మేశాడు. త్వరలో రాజశేఖర్ జైలుకు వెళ్తాడు. జీవిత చాలా డేంజరస్ మనస్తత్వం కలిగిన మనిషి. అవకాశం కోసం జీవిత, రాజశేఖర్ మమ్మల్ని వాడుకున్నారు అని అన్నారు.
|
|