అధీరా పాత్ర ఒక సర్ప్రైజ్ లాంటిది - సంజయ్ దత్
cinema | Suryaa Desk | Published : Sat, Apr 23, 2022, 02:42 PM
ఇటీవల విడుదలై సంచలన విజయాన్ని నమోదు చేస్తున్న కేజీఎఫ్ 2 చిత్రంలో అధీరా వంటి భయంకర విలన్ పాత్రను పోషించారు బాలీవుడ్ సీనియర్ హీరో సంజయ్ దత్. అధీరా వంటి విలక్షణ పాత్రకు ప్రేక్షకుల నుండి వస్తున్న విశేష ఆదరణకు చిత్ర దర్శకుడు ప్రశాంత్ నీల్ ముఖ్యకారణమంటూ ఒక స్పెషల్ నోట్ ను సోషల్ మీడియాలో షేర్ చేసారు. తన కంఫర్ట్ జోన్ నుండి బయట పడి చేసిన పాత్ర అధీరా అనీ, ఇప్పటివరకు తాను చేసిన పాత్రలన్నింటి లోకి అధీరా పాత్ర చాలా ప్రత్యేకమైనదని సంజయ్ నోట్ లో పేర్కొన్నారు. కెప్టెన్ ఆఫ్ ది షిప్ డైరెక్టర్ ప్రశాంత్ విజన్ ను మేమందరం స్క్రీన్ ప్రెజెంట్ చేశామంతే... కేజీఎఫ్ 2 ఘనవిజయ మూల కారణం ప్రశాంతే... ఈ సినిమా నాకు ఒక సర్ప్రైజ్ లాంటిది.... అని షేర్ చేసిన నోట్ లో సంజయ్ పేర్కొన్నారు.
కేజీఎఫ్ 2 లో సంజయ్ దత్ అధీరా అనే క్రూరమైన పాత్రను పోషించారు. ఈ మధ్య కాలంలో సంజయ్ నటించిన కొన్ని మంచి పాత్రలలో ఇదొకటి. ఏప్రిల్ 14 న విడుదలైన కేజీఎఫ్ 2 చిత్రం తొలి వారంలోనే రూ. 700కోట్లు వసూలు చేసి, సక్సెస్ ఫుల్ గా రెండవవారం లోకి అడుగు పెట్టింది.
|
|