ట్రెండింగ్
విడుదల తేదీని ఖరారు చేసిన 'కృష్ణ బృందా విహారి'
cinema | Suryaa Desk | Published : Sat, Apr 23, 2022, 07:23 PM
యంగ్ అండ్ టాలెంటెడ్ హీరో నాగశౌర్య 'కృష్ణ బృందా విహారి' అనే రొమాంటిక్ కామెడీ సినిమాతో ఆడియన్స్ ముందుకు రాబోతున్నాడు. అనీష్ కృష్ణ దర్శకత్వం వహిస్తున్న ఈ సినిమాలో నాగశౌర్య సరసన షిర్లీ సెటియా నటిస్తున్న సంగతి తెలిసిందే. ఈ సినిమా షూటింగ్ దాదాపు పూర్తయింది అని సమాచారం. ఈ సినిమా సమ్మర్ రేస్ నుండి తప్పుకున్నట్లు వార్తలు వినిపిస్తున్నాయి. కానీ తాజాగా ఇప్పుడు మూవీ మేకర్స్ ఈరోజు 'కృష్ణ బృందా విహారి' విడుదల తేదీని ప్రకటించారు. మే 20న ఈ సినిమా ప్రపంచవ్యాప్తంగా థియేటర్లలోకి రానుందని మేకర్స్ అధికారికంగా ప్రకటించారు. ఈ చిత్రంలో రాధిక, వెన్నెల కిషోర్, రాహుల్ రామకృష్ణ, సత్య తదితరులు కీలక పాత్రలలో నటిస్తున్నారు. ఐరా క్రియేషన్స్పై ఉషా ముల్పూరి నిర్మిస్తున్న ఈ చిత్రానికి మహతి స్వర సాగర్ సంగీతం అందిస్తున్నారు.
|
|