తన స్టైల్ లో మరో బాలీవుడ్ నటుడిని రంగంలోకి దింపేస్తున్న త్రివిక్రమ్

ఇటీవల విడుదలై మంచి విజయాన్ని సొంతం చేసుకున్న పవన్ కళ్యాణ్ చిత్రం భీమ్లానాయక్. ఈ చిత్రానికి తనదైన పంచ్ డైలాగులు రాసి పవన్ చేత శివతాండం చేయించారు త్రివిక్రమ్. గత కొన్నాళ్లుగా త్రివిక్రమ్ నుండి ఎలాంటి మూవీ రాలేదు. అయితే ఆయన తన తదుపరి సినిమా ను మహేష్ తో చెయ్యటానికి వెయిట్ చేస్తున్నాడు. మహేష్ సర్కారువారిపాట సినిమాతో బిజీగా ఉండటం వల్ల త్రివిక్రమ్-మహేష్ మూవీ జూన్ నుండి సెట్స్ పైకి వెళ్లనుందట. ప్రస్తుతం నటీనటుల ఎంపిక ప్రక్రియలో త్రివిక్రమ్ తలమునకలై ఉన్నారట. ఈ సినిమాలో కధానాయిక పూజాహెగ్డే అని ఇదివరకే ఎనౌన్స్ చేసారు. ఇందులో ఒక ఉండే ఒక కీలకపాత్ర కోసం ఎవరిని తీసుకోవాలా అని తీవ్రంగా ఆలోచిస్తున్నారట త్రివిక్రమ్. 

గత కొంతకాలంగా త్రివిక్రమ్ నుండి వచ్చిన సినిమాలను పరిశీలిస్తే, ఎంతోమంది సీనియర్ హీరో, హీరోయిన్లకు తన సినిమాల్లో కీలక పాత్రలు ఇచ్చిన విషయం తెలుస్తోంది. ఈ క్రమంలోనే నదియా, సుకన్య, దేవయాని, బోమన్ ఇరానీ, ఉపేంద్ర, జయరాం, సచిన్ ఖేడ్కర్ వంటి నటీనటులు తెలుగు తెరకు మళ్ళీ పరిచయమయ్యారు. అలానే, ఇప్పుడు కూడా మహేష్ సినిమా లోని ఒక కీలక పాత్ర కోసం బాలీవుడ్ క్రేజీ అండ్ సీనియర్ హీరో అనిల్ కపూర్ ను త్రివిక్రమ్ రంగంలోకి దింపనున్నారని టాక్. ఆ సినిమాలో మహేష్ తండ్రి పాత్రకు ఎంతో ఇంపార్టెన్స్ ఉంటుందట. అందుకే ఆ పాత్రలో ఎవరైనా ప్రాముఖ్యత ఉన్న నటుడు నటిస్తే బావుంటుందనే ఆలోచనలో త్రివిక్రమ్ అనిల్ కపూర్ కు ఫిక్స్ అయ్యారట. ఈ మేరకు అనిల్ కపూర్ కు త్రివిక్రమ్  కథ వినిపించటం, అనిల్ పచ్చజెండా ఊపడం... అంత చకచకా జరిగిపోయాయని చిత్రవర్గ సమాచారం. అయితే ఈ విషయమై ఎలాంటి అధికారిక ప్రకటన రాలేదు.