బీస్ట్ దర్శకుడి భావోద్వేగపూరిత ట్వీట్

కోలీవుడ్ స్టార్ హీరో విజయ్ కొత్త చిత్రం బీస్ట్. నెల్సన్ దిలీప్ కుమార్ డైరెక్షన్లో యాక్షన్ ఎంటర్టైనర్ గా రూపొందిన ఈ చిత్రంలో పూజా హెగ్డే కధానాయిక. ఏప్రిల్ 13న విడుదలైన ఈ చిత్రం తొలి షో నుండే మిక్స్డ్ టాక్ తో రన్ అవుతుంది. కేజీఎఫ్ 2 ధాటికి ఏమాత్రం తగ్గకుండా తొలి రోజుల్లో బాగానే వసూలు చేసింది బీస్ట్. అయితే ఈ వసూళ్లు స్టార్ హీరో సినిమాకు తగ్గ వసూళ్లయితే కాదు. 

తాజాగా బీస్ట్ చిత్రబృందానికి హీరో విజయ్ డిన్నర్ పార్టీ ఇచ్చిన సంగతి తెలిసిందే. దానికి సంబంధించిన ఫోటో ఒకటి సోషల్ మీడియాలో హల్చల్ చేస్తుంది. అందులో హీరోయిన్ పూజాహెగ్డే, దర్శకుడు నెల్సన్, మ్యూజిక్ డైరెక్టర్ అనిరుధ్, ఇంకా తదితరులు పాల్గొన్నట్టు తెలుస్తోంది. ఇదే ఫోటోను తన సోషల్ మీడియా ఖాతాలో పంచుకుని ఒక సుదీర్ఘ నోట్ ను అభిమానులతో పంచుకున్నాడు నెల్సన్. విజయ్ తన స్వగృహంలో బీస్ట్ చిత్రబృందానికి డిన్నర్ పార్టీ ఇచ్చినందుకు నెల్సన్ థాంక్స్ చెప్పారు. ఈ సందర్భంగా బీస్ట్ సినిమా కు దర్శకత్వం చేసే అవకాశం ఇచ్చినందుకు, తనను ఇంతగా సపోర్ట్ చేసినందుకు విజయ్ కు కృతజ్ఞతలు తెలిపారు. అలానే విజయ్ తో పని చేసిన ఆ రోజులను, ఆ జ్ఞాపకాలను తన జీవితాంతం గుర్తు పెట్టుకుంటానని చెప్పారు. ఇంకా చిత్రాన్ని నిర్మించిన సన్ పిక్చర్స్ వారికి, చిత్రబృందానికి, ముఖ్యంగా విజయ్ అభిమానులకు, ప్రేక్షకులకు నెల్సన్ మనస్ఫూర్తిగా ధన్యవాదాలు  తెలియచేసారు. 

నెల్సన్ తన తదుపరి చిత్రాన్ని కోలీవుడ్ సూపర్ స్టార్ రజినీకాంత్ తో చేయనున్నారు. కెరీర్ పరంగా రజినీకి 169 వ సినిమా అది. త్వరలోనే అఈ సినిమాకు సంబంధించిన అన్ని వివరాలు వెలువడనున్నాయి.