చరణ్ కాకుండా ఆ పాత్రకు న్యాయం చేయగలిగేది అతనే : చిరంజీవి
cinema | Suryaa Desk | Published : Tue, Apr 26, 2022, 09:45 PM
మెగాస్టార్ చిరంజీవి, మెగాపవర్ స్టార్ రామ్ చరణ్ తేజ్ లు కలిసి నటించిన ఆచార్య చిత్రం కోసం ప్రేక్షకులు ఎంతగానో ఎదురుచూస్తున్నారు. కరోనా కారణంగా పలు మార్లు వాయిదాపడి ఎట్టకేలకు ఏప్రిల్ 29న ప్రేక్షకుల ముందుకు రాబోతుంది ఈ చిత్రం. దాదాపు రూ. 150 కోట్ల భారీ బడ్జెట్టు తో ఈ చిత్రాన్ని కొణిదెల ప్రొడక్షన్స్, మ్యాటినీ ఎంటర్టైన్మెంట్స్ సంస్థలు సంయుక్తంగా నిర్మించాయి. కొరటాల శివ దర్శకత్వం వహిస్తున్న ఈ చిత్రానికి మణిశర్మ సంగీతం అందించారు. విడుదల తేదీ దగ్గర పడుతుండటం తో ప్రమోషన్స్ ను ముమ్మరం చేసారు చిత్రబృందం. ఇంటర్వ్యూలు, ప్రెస్ మీట్లు అంటూ చాలా బిజీగా గడుపుతున్నారు. అయితే ప్రమోషన్స్ లో భాగంగా జరిగిన ఒక ఇంటర్వ్యూలో మెగాస్టార్ ఒక ఆసక్తికర విషయాన్ని వెల్లడించారు. ఆచార్య సినిమాలో రామ్ చరణ్ సిద్ధ అనే స్పెషల్ రోల్ చేసారని అందరికీ తెలుసు కదా. ఒకవేళ సిద్ధ పాత్రకు రామ్ చరణ్ కాకపోయుంటే పవర్ స్టార్ పవన్ కళ్యాణ్ చేత చేయించేవాడినని చిరు తెలిపారు. సిద్ధ పాత్రను చెర్రీ చెయ్యటం వల్ల ఒక మ్యాజిక్ అనేది క్రియేట్ అయింది. చెర్రీ కాకుండా అంతటి ఫీల్ ఇవ్వగలిగేది ఒక్క పవన్ మాత్రమే అని చిరు పేర్కొనడంతో పవన్ అభిమానులు ఎంతో హ్యాపీగా ఉన్నారు. ఆచార్య లో సిద్ధ పాత్రకు కొరటాల ముందుగా సూపర్ స్టార్ మహేష్ బాబును అనుకున్నారన్న విషయం తెలిసిందే.
|
|