హనుమాన్ మూవీ సెట్స్ లో కృష్ణ వంశీ ... ఎందుకొచ్చినట్టు?
cinema | Suryaa Desk | Published : Tue, Apr 26, 2022, 11:52 PM
విభిన్న చిత్రాల దర్శకుడు ప్రశాంత్ వర్మ మరో కొత్త జానర్తో ప్రేక్షకులను పలకరించేందుకు రెడీ అవుతున్నారు. అ!, కల్కి, జాంబీరెడ్డి అంటూ తన సత్తాను చాటుకున్నారు. మనందరం ఎన్నో సూపర్హిరోల సినిమాలు చూశాము. కానీ మన పురాణాల్లోని రియల్ సూపర్ హీరోల గురించి ఎక్కువగా మాట్లాడుకోము. అలా రియల్ సూపర్ హీరో అయిన హనుమంతుడి మీద ప్రశాంత్ వర్మ దృష్టిపెట్టేశారు. తేజ సజ్జా హీరోగా ప్రశాంత్ వర్మ దర్శకత్వంలో రూపొందుతున్న చిత్రం హనుమాన్. 'అంజనాద్రి' ఆధారంగా రూపొందుతున్న ఈ మూవీని నిరంజన్ రెడ్డి నిర్మిస్తున్నారు. తాజాగా ఈ మూవీ షూటింగ్ లొకేషన్ కు క్రియేటివ్ దర్శకుడు కృష్ణ వంశీ వచ్చినట్టు తెలుస్తోంది. ఈ విషయాన్ని తెలుపుతూ దర్శకుడు ప్రశాంత్ తన ట్విట్టర్ ఖాతాలో ఒక ఫోటో పోస్ట్ చేసారు. గతంలో నితిన్ హీరోగా శ్రీ ఆంజనేయం అనే సినిమాను కృష్ణవంశీ తెరకెక్కించిన విషయం తెలిసిందే. అందులో యాక్షన్ కింగ్ అర్జున్ ఆంజనేయుడిగా నటించారు. ఈ క్రమంలోనే హనుమాన్ చిత్ర విషయాలను తెలుసుకునేందుకు డైరెక్టర్ కృష్ణ వంశీ ఆ మూవీ లొకేషన్ కు వెళ్లినట్టు తెలుస్తోంది. ఈ సందర్భంగా ప్రశాంత్ కు పలు సలహాలు, సూచనలు కృష్ణ వంశీ ఇచ్చినట్లు తెలుస్తోంది.
|
|