ఆ విషయంలో నేను, చరణ్ ఒకటే - కొరటాల శివ
cinema | Suryaa Desk | Published : Wed, Apr 27, 2022, 12:54 PM
టాలీవుడ్ సక్సెస్ మెషీన్ కొరటాల శివ డైరెక్షన్ లో మెగాస్టార్ చిరంజీవి, మెగా పవర్ స్టార్ రామ్ చరణ్ తేజ్ కలిసి నటిస్తున్న చిత్రం ఆచార్య. పూజాహెగ్డే కధానాయిక. మణిశర్మ సంగీతం అందిస్తున్నారు. మ్యాటినీ ఎంటర్టైన్మెంట్స్, కొణిదెల ప్రొడక్షన్స్ సంస్థలు సంయుక్తంగా నిర్మిస్తున్న ఈ చిత్రం ఏప్రిల్ 29 న ప్రేక్షకుల ముందుకు రాబోతుంది. ఈ మేరకు ప్రమోషన్స్ ను చిత్రబృందం భారీ ఎత్తున నిర్వహిస్తున్నారు. ఈ నేపథ్యంలో తాజాగా జరిగిన ఒక ఇంటర్వ్యూలో తనకు, రాంచరణ్ కు ఉన్న ఒక పోలికను తెలిపి ప్రేక్షకులకు ఆసక్తిని కలగజేసారు. ఆయన మాట్లాడుతూ.... కథపై, పాత్రల తీరు తెన్ను పై తీవ్ర కసరత్తులు చేసే నేను ప్రతీ దానికి లెక్కలేసుకోవటం, ముందుగా ప్లాన్ చేసుకోవటం, ఒక షెడ్యూల్ తయారు చేసుకోవటం వంటివి చెయ్యను. ఇలాంటి గుణాన్నే నేను రామ్ చరణ్ లో గమనించాను. ఆయన కూడా నాలానే తనకు నచ్చిందాన్ని నమ్మి చేసుకుంటూ వెళ్తారు. అంతేకాని లెక్కలు వెయ్యరు. అందువల్లనే మా ఇద్దరికీ సెట్ అయింది. చరణ్ ఆచార్యకు ప్రాణం పోశారు.... అని చెప్పుకొచ్చారు.
|
|