'సాగర సంగమం' సినిమాపై శివ కొరటాల వ్యాఖ్యలు
cinema | Suryaa Desk | Published : Wed, Apr 27, 2022, 01:40 PM
టాలీవుడ్ మెగాస్టార్ చిరంజీవి అండ్ రామ్ చరణ్ నటించిన 'ఆచార్య' సినిమా ఏప్రిల్ 29, 2022న ప్రపంచవ్యాప్తంగా గ్రాండ్ థియేట్రికల్ విడుదలకు సిద్ధంగా ఉంది. శివ కొరటాల దర్శకత్వం వహించిన ఈ చిత్రంలో పూజాహెగ్డే కథానాయికగా నటించింది. మూవీ మేకర్స్ ఈ సినిమా ప్రొమోషన్స్ ని కూడా స్టార్ట్ చేసారు. ఇటీవల జరిగిన ఇంటర్వ్యూలో కొరటాల శివను తెలుగులో తనకు ఇష్టమైన కమర్షియల్ సినిమా గురించి చెప్పమని అడిగినప్పుడు ఈ స్టార్ డైరెక్టర్ వెంటనే 'సాగర సంగమం' అని చెప్పారు. ఈ సినిమా గురించి ఆయన మాట్లాడుతూ.... చాలా కారణాల వల్ల ఈ సినిమా తనకు నచ్చిందని, ఇది అద్భుతమైన స్క్రిప్ట్ అని అన్నారు. అంతేకాకుండా, అతను శంకర్ డైరెక్ట్ చేసిన బ్లాక్ బస్టర్ మూవీ 'భారతీయుడు' తన అభిమాన కమర్షియల్ సినిమా అని కూడా వెల్లడించారు. ఈ యాక్షన్ ఎంటర్టైనర్ మూవీని కొణిదెల ప్రొడక్షన్ కంపెనీ, మ్యాట్నీ ఎంటర్టైన్మెంట్ నిర్మిస్తున్నాయి. మణిశర్మ ఈ సినిమాకి సంగీతం అందించారు.
|
|