సమంత ఐటెం సాంగ్ కు టీమిండియా మాజీ సారథి స్టెప్పులు
cinema | Suryaa Desk | Published : Thu, Apr 28, 2022, 04:30 PM
టాలీవుడ్ క్రియేటివ్ దర్శకుడు సుకుమార్ డైరెక్షన్లో ఐకాన్ స్టార్ అల్లుఅర్జున్, రష్మిక మందన్నా జంటగా నటించిన చిత్రం పుష్ప. గంధపు చెక్కల స్మగ్లింగ్ నేపథ్యంలో సాగే ఈ సినిమాకు తెలుగులో మిక్స్డ్ టాక్ వచ్చినప్పటికీ నార్త్ లో ఈ సినిమా సూపర్ సక్సెస్ అయ్యింది. దేశవ్యాప్తంగా సంచలన విజయాన్ని నమోదుచేసింది. బలమైన కథాకథనాలు, బన్నీ ట్రెమండస్ పర్ఫార్మెన్స్ సినిమాకు హైలైట్ గా నిలిచాయి. DSP అందించిన మ్యూజిక్ ఈ సినిమాకు వెన్నెముకగా నిలిచిందనడంలో ఎలాంటి సందేహం లేదు. ముఖ్యంగా సమంత చిందేసిన ఊఁ అంటావా మావా పాట అయితే శ్రోతలను విపరీతంగా ఆకట్టుకుంది. సోషల్ మీడియాలో ఈ పాటతో రీల్స్ చేసి ట్రెండ్ చేసారు యువత. తాజాగా ఈ పాటకు టీమిండియా మాజీ సారథి విరాట్ కోహ్లీ కూడా తనదైన శైలిలో స్టెప్పులేసి ప్రేక్షకులకు కన్నులవిందు చేసాడు. ప్రస్తుతం దీనికి సంబంధించిన వీడియో నెట్టింట వైరల్ అయ్యింది. ఆర్సీబీ ఆల్ రౌండర్, కొత్త పెళ్ళికొడుకు గ్లెన్ మ్యాక్స్ వెల్ తమిళనాడుకు అల్లుడైన సంగతి తెలిసిందే. వినీ రామన్ తో వివాహం జరిగి ఒక నెల పూర్తి ఐన సందర్భంగా ఆర్సీబీ టీం కొత్త దంపతులకు గ్రాండ్ పార్టీని ఎరేంజ్ చేసింది. ఈ పార్టీలో జట్టు ఆటగాళ్లతో కలిసి సరదాగా ఊఁ అంటావా పాటకు కోహ్లీ స్టెప్పులేశాడు.
|
|