NBK #107లో బాలయ్య నెగిటివ్ రోల్?
cinema | Suryaa Desk | Published : Thu, Apr 28, 2022, 08:45 PM
టాలీవుడ్ స్టార్ డైరెక్టర్ గోపీచంద్ మలినేని దర్శకత్వంలో నందమూరి బాలకృష్ణ ఒక చిత్రంలో నటిస్తున్నారన్న విషయం తెలిసిందే. ఈ సినిమాకు ఇంకా టైటిల్ ఖరారు చేయలేదు. బాలయ్య సినీ కెరీర్లో ఇది 107వ సినిమా కావడంతో NBK #107 గా పిలుస్తున్నారు. ప్రస్తుతానికిది వర్కింగ్ టైటిల్ మాత్రమే.
గోపీచంద్ మలినేని, బాలయ్య గత చిత్రాలు క్రాక్, అఖండ రెండు బ్లాక్ బస్టర్లే. వీరిద్దరి కాంబోలో రాబోతున్న సినిమా కావటంతో ప్రేక్షకులు ఈ సినిమాపై భారీ అంచనాలు పెట్టుకున్నారు. దానికి తగ్గట్టుగానే ఈ సినిమా నుండి అప్డేట్ లు కూడా వస్తున్నాయి. ఇటీవల విడుదల చేసిన బాలయ్య రగ్డ్ లుక్ కు ప్రేక్షకుల నుండి విపరీతమైన స్పందన వచ్చింది. ఇంకా ఈ సినిమాలో మలయాళ స్టార్ యాక్టర్ దునియా విజయ్ ప్రతినాయకుడిగా నటిస్తున్నారు.
తాజాగా ఈ సినిమా నుండి మరొక అప్డేట్ బయటకు వచ్చింది. ఈ చిత్రంలో బాలయ్య ద్విపాత్రాభినయం చేస్తున్నారన్న విషయం మనకు తెలిసిందే. దీనిపై ఇంకా ఎలాంటి అధికారిక ప్రకటన లేదు. రాయలసీమ నేపథ్యంలో సాగే ఈ కథలోని ఒక పాత్రలో బాలయ్య నెగిటివ్ షేడ్స్ లో కనిపిస్తారని టాక్. ఆ పాత్రకి చెల్లెలుగా వరలక్ష్మీ శరత్ కుమార్ నటించనున్నారట. ఈ మధ్యనే ఆమె నిశ్చితార్ధం తాలూకు షూట్ ను హైదరాబాద్ లోని సారథి స్టూడియోస్ లో చిత్రీకరించారు.
అయితే ... ఈ సినిమాలో బాలయ్య సరసన శ్రుతిహాసన్ కథానాయిక గా నటిస్తున్నారు. థమన్ సంగీతం అందిస్తున్న ఈ చిత్రం వచ్చే దసరాకు విడుదలయ్యే అవకాశాలు కనిపిస్తున్నాయి.
|
|