ఎవరెంత కాదన్నా టాలీవుడ్ కి పెద్ద దిక్కు ఆయనే- మంత్రి తలసాని
cinema | Suryaa Desk | Published : Fri, Apr 29, 2022, 03:17 PM
హైదరాబాద్ లో నివసిస్తున్న ఫిలిం జర్నలిస్టులకు హెల్త్ కార్డులను పంపిణీ చేసే కార్యక్రమం లో తెలంగాణా సినిమాటోగ్రఫీ మంత్రి తలసాని యాదవ్ పాల్గొన్నారు. ఈ కార్యక్రమంలో ఆయన మాట్లాడుతూ... ఎవరెన్ని చెప్పినా, ఎంతమంది కాదన్నా తెలుగు చిత్ర పరిశ్రమకు మెగాస్టార్ చిరంజీవి గారే పెద్ద అని వ్యాఖ్యానించారు. ఈ మేరకు కొంతమంది జర్నలిస్టులకు హెల్త్ కార్డులను అందించారు.
దర్శక దిగ్గజం దాసరి నారాయణరావు గారు మరణించిన తర్వాతి నుండి చిత్రపరిశ్రమకు పెద్ద దిక్కు లేకుండా పోయింది. ఆయన ఉన్నంత కాలం చిత్రపరిశ్రమకి ఎలాంటి సమస్య, ఒడిదుడుకు రాకుండా చాలా చక్కగా నేర్పుతో వ్యవహరించారు. ఎప్పుడైతే ఆయన మరణించారో అప్పటి నుండి ఇండస్ట్రీ పెద్ద ఎవరనే వాదనలు, చర్చలు జరుగుతూనే ఉన్నాయి. ఈ పదవికి నూరు శాతం అర్హుడు మెగాస్టార్ చిరంజీవే అని చాలామంది ఏకగ్రీవంగా నిర్ణయించారు. కానీ చిరు మాత్రం నేను పరిశ్రమకు పెద్దగా ఉండను కానీ నేనెప్పుడూ పరిశ్రమ బిడ్డనే అంటూ తనదైన శైలిలో ఇండస్ట్రీ పెద్ద పదవిని తిరస్కరించారు. అయితే.... ఆంధ్రప్రదేశ్ లో తలెత్తిన సినిమా టికెట్ రేట్ల సమస్యను తన అనుభవంతో, చక్కటి నేర్పుతో, సహనంతో వ్యవహరించి తగిన పరిష్కారాన్ని కనుగొన్నారు.
|
|