మహేష్ తో అనిల్ రావిపూడి మరో క్రేజీ సినిమా... కానీ?
cinema | Suryaa Desk | Published : Fri, Apr 29, 2022, 09:33 PM
తనకు హిట్ ఇచ్చిన డైరెక్టర్లతో మళ్ళి సినిమాలు చేస్తుంటాడు టాలీవుడ్ సూపర్ స్టార్ మహేష్ బాబు. పోకిరి లాంటి ట్రెండ్ సెట్టర్ మూవీ ఇచ్చినందుకు పూరి జగన్నాధ్ తో బిజినెస్ మేన్, అతడు లాంటి క్లాసిక్ క్రియేటివ్ సినిమాను ఇచ్చినందుకు త్రివిక్రమ్ తో ఖలేజాను, దూకుడు లాంటి బ్లాక్ బస్టర్ నిచ్చినందుకు శ్రీను వైట్లతో ఆగడు, కొరటాలతో శ్రీమంతుడు, భరత్ అనే నేను మూవీలను మహేష్ చేసిన సంగతి తెలిసిందే. త్రివిక్రమ్ తో రెండు సినిమాలను చేసిన మహేష్ తాజాగా మూడో సినిమాకు కూడా రెడీ అవుతున్నాడు. అయితే ... ఇటీవల మహేష్ బాబు అనిల్ రావిపూడి డైరెక్షన్లో చేసిన మూవీ సరిలేరు నీకెవ్వరూ... ఈ మూవీ ఎంతటి ఘనవిజయాన్ని సాధించిందో ప్రత్యేకించి చెప్పనవసరం లేదు. అనిల్ రావిపూడి డైరెక్షన్లో సూపర్ స్టార్ మహేష్ బాబు మరో సినిమా చేయనున్నారని చిత్రవర్గ సమాచారం. ఇందుకు సంబంధించి మహేష్ కు అనిల్ కథ చెప్పటం, ఆయన ఓకే అనటం... అంతా చకచకా జరిగిపోయిందట. మహేష్ వరస కమిట్మెంట్స్ వల్ల ఈ మూవీ ఓకే అయినంత ఈజీగా పట్టాలెక్కే అవకాశం కనిపించటల్లేదు. పరశురాంతో సర్కారువారిపాట షూటింగును ఇటీవలనే కంప్లీట్ చేసిన మహేష్ మరో రెండు నెలల్లో త్రివిక్రమ్ తో సినిమా స్టార్ట్ చేస్తాడు. ఆ సినిమా తర్వాత దర్శకధీరుడు రాజమౌళితో పాన్ ఇండియా సినిమా చెయ్యాలి. ఎట్లా లేదన్నా ఈ రెండు సినిమాల కోసం కనీసం నాలుగైదేళ్ల కాలం పడుతుంది. ఈలోపు అనిల్ ఒక రెండు సినిమాలను చేసేయ్యొచ్చు కూడా. ఈ క్రేజీ కాంబోలో సినిమా కోసం మహేష్ అభిమానులు చాలాకాలమే వేచిచూడాలి.
|
|