ఆచార్యుడితో రోజక్క మీటింగ్ .... ఎందుకంటే?
cinema | Suryaa Desk | Published : Sat, Apr 30, 2022, 02:27 PM
మెగాస్టార్ చిరంజీవి, రోజా కాంబినేషన్లో ముఠామేస్త్రి, బిగ్ బాస్, ముగ్గురు మొనగాళ్లు వంటి మంచి హిట్ సినిమాలు వచ్చాయి. సినిమాల్లో నటిస్తున్నప్పటి నుండి ఇప్పటివరకు వారి మధ్య సత్సంబంధాలు కొనసాగుతున్నాయి. ఏపీలోని చిత్తూరు జిల్లా నగరి ఎమ్మెల్యేగా విధులు నిర్వహిస్తున్న రోజా ఇటీవలనే ఆంధ్రప్రదేశ్ మంత్రి పదవి ని అందుకున్నారు. తాజాగా శుక్రవారం రాత్రి రోజా మెగాస్టార్ చిరంజీవిని ఆయన స్వగృహంలో కలిశారు. చిరంజీవితో సమావేశం అనంతరం రోజా మీడియాతో మాట్లాడారు. ఈ సమావేశం వెనుక ఎలాంటి రాజకీయ లబ్ది లేదనీ, జస్ట్ క్యాజువల్ విజిట్ అని రోజా పేర్కొన్నారు. చెన్నైలో ఉన్నప్పటి నుండి తమ కుటుంబం, మెగాస్టార్ కుటుంబం ఫ్యామిలీ ఫ్రెండ్స్ అనీ, తాను మంత్రి పదవి పొందినందుకు చిరు పార్టీకి ఆహ్వానించారని రోజా మీడియాకి తెలిపారు. ఆచార్య మూవీ చూసారా అని ఒక విలేఖరి అడగ్గా ఇప్పుడే చూడటానికి బయల్దేరుతున్నామని రోజక్క తెలిపింది.
|
|