ఆ సెంటిమెంట్ వర్కౌట్ ఐతే కొరటాల-తారక్ ల సినిమా సూపర్ హిట్టే

దాదాపు నాలుగేళ్లుగా ఆచార్య చిత్రం కోసం కొరటాల తీవ్రంగా శ్రమించారు. అయినప్పటికీ సక్సెస్ ను అందుకోలేకపోయారు. చిరంజీవి, రామ్ చరణ్ తేజ్ తొలిసారి తెరపై ఎక్కువసేపు కనిపిస్తున్న చిత్రం కాబట్టి ఈ సినిమాపై భారీ అంచనాలు నెలకొన్న విషయం తెలిసిందే. చిరంజీవి సతీమణి సురేఖ చిరకాల కోరిక మెగా డిజాస్టర్ అవుతుందని ఎవ్వరుకూడా అనుకుని ఉండరు. శుక్రవారం విడుదలైన ఈ సినిమా మిక్స్డ్ టాక్ తో రన్ అవుతుంది. ఆచార్య డిజాస్టర్ కు మెగా అభిమానులు కొరటాల ను తీవ్రంగా విమర్శిస్తున్నారు. ఆర్ ఆర్ ఆర్ గ్రాండ్ సక్సెస్ తర్వాత రామ్ చరణ్ నుండి వచ్చిన ప్రెస్టీజియస్ సినిమా ఇది. అయితే కొంతమంది మాత్రం రాజమౌళి సెంటిమెంటు చాలా బలమైనదని, దానికి కొరటాల ను నిందించటం సబబు కాదని అంటున్నారు. పోతే.... కొరటాల శివ తన తదుపరి సినిమాను జూనియర్ ఎన్టీయార్ తో చేస్తున్న విషయం తెలిసిందే. పోస్ట్ ప్రొడక్షన్ పనులను ముగించుకున్న ఈ చిత్రం జూన్ నుండి సెట్స్ పైకి వెళ్లనుంది. రాజమౌళి సెంటిమెంటుతో తారక్ సినిమా కూడా ఫ్లాప్ అవుతుందని నందమూరి అభిమానులు ఖంగారు పడుతున్నారు. అయితే కొంతమంది మాత్రం... ఈ సారి కొరటాల ఎలాగైనా హిట్టు కొట్టి తీరతాడు అని బల్లగుద్ది చెప్తున్నారు.  ఎందుకంటే దీనికి మరో బలమైన సెంటిమెంటుంది. అప్పటివరకు డిజాస్టర్ అందుకున్న డైరెక్టర్లు ఆ తర్వాత జూనియర్ తో సినిమా చేస్తే సక్సెస్ ట్రాక్ లోకి వచ్చేస్తారనే ఒక బలమైన నమ్మకముంది. ఈ విషయం చాలాసార్లు నిరూపితమైంది కూడా. వరస అపజయాలతో కెరీర్లోనే అట్టడుగు స్థాయిలో ఉన్న పూరీతో తారక్ చేసిన టెంపర్ సూపర్ హిట్ అయ్యింది. అలానే వన్:నేనొక్కడినే సినిమాతో భారీ డిజాస్టర్ ను అందుకున్న క్రేజీ డైరెక్టర్ సుకుమార్ ఆ తర్వాత తారక్ తో నాన్నకు ప్రేమతో సినిమా చెయ్యటం వల్లనే బూస్టప్ అయ్యాడు. ఇంకో డైరెక్టర్ త్రివిక్రమ్ కూడా పవన్ తో అజ్ఞాతవాసి చేసి డీలా పడితే, అరవింద సామెత రూపంలో తారక్ సూపర్ హిట్ ఇచ్చాడు. పవన్ తో సర్దార్ గబ్బర్ సింగ్ సినిమా అనంతరం తారక్ తో చేసిన జై లవకుశ తోనే బాబీ ఫామ్ లోకొచ్చాడు. ఇన్ని రుజువులను చూసిన తర్వాత కూడా నందమూరి అభిమానులు టెన్షన్ పడకూడదు. కొరటాల తో తారక్ చేసే సినిమా హిట్టవటం ఖాయం.